29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Խարկովին ռուսական հարվածի հետևանքով զոհեր և վիրավորներ կան
Քաղաքականություն
18.08.2025 | 11:25
Ուկրաինայի Խարկով քաղաքին ռուսական անօդաչու թռչող սարքերի հարվածի հետևանքով 4 մարդ է զոհվել, 17-ը՝ վիրավորվել։ Նրանցից 6-ը երեխաներ են, հաղորդում է BBC-ի ռուսական ծառայությունը։
Ավելի վաղ հաղորդվում էր 3 զոհի մասին։
Խարկովի մարզի ռազմական վարչակազմի ղեկավար Օլեգ Սինեգուբովը հայտնել է, որ զոհերի թվում 1,5 տարեկան աղջիկ կա։
«Երեխայի մարմինը դուրս են բերել փլատակներից։ 17 մարդ տարբեր ծանրության վնասվածքներ է ստացել, նրանցից մի քանիսը հոսպիտալացվել է»,- տելեգրամում գրել է Սինեգուբովը։
Ըստ նրա՝ հինգ հարկանի բնակելի շենքի վրա հարձակվել են չորս անօդաչուներ։
«Առաջին, երրորդ և հինգերորդ հարկերում հրդեհներ են բռնկվել։ Ընդհանուր առմամբ, 6 բնակելի տուն և 15 ավտոմեքենա է վնասվել։ Փրկարարական աշխատանքները շարունակվում են»,- հավելել է պաշտոնյան։
