29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Ֆոն դեր Լեյենը և ԵՄ մի շարք առաջնորդներ Թրամփի հետ հանդիպմանը կմիանան Զելենսկուն
Քաղաքականություն
17.08.2025 | 15:09
Ուրսուլա ֆոն դեր Լեյեն, Մերցը և Մակրոնը երկուշաբթի օրը Վաշինգտոնում կմիանան Զելենսկուն՝ Թրամփի հետ հանդիպման ժամանակ։ Այս մասին հայտնել է Եվրահանձնաժողովի նախագահը և Գերմանիայի կառավարության մամուլի քարտուղարը։ Հնարավոր է, որ նույն որոշումը ընդունեն նաև Եվրամիության այլ ղեկավարներ, փոխանցում է Euronews-ը։
Չի բացառվում, որ առաջիկա ժամերին նման որոշում կայացնեն նաև Եվրամիության այլ առաջնորդներ։
Ժամը 15։00-ին՝ Կենտրոնական Եվրոպայի ժամանակով, Բրյուսելում նախատեսված է Վլադիմիր Զելենսկու մամուլի ասուլիսը։
Հիշեցնենք՝ ԱՄՆ նախագահ Դոնալդ Թրամփի և ՌԴ նախագահ Վլադիմիր Պուտինի միջև Ալյասկայում օգոստոսի 15-ին կայացած հանդիպումն ավարտվել է՝ առանց ռուս-ուկրաինական հակամարտության հրադադարի շուրջ որևէ համաձայնության։
Կողմերի միջև հանդիպումը տևել է շուրջ երեք ժամ, որից հետո նախագահները մոտ 10 րոպե ամբիոնի մոտից հայտարարություններ են արել լրագրողների առջև։ Նրանք, սակայն, հարցերի չեն պատասխանել։ Երկու ղեկավարներն էլ բանակցություններն անվանել են արդյունավետ և նշել, որ գրանցվել է որոշակի առաջընթաց, սակայն մանրամասներ չեն հայտնել։
Հանդիպումից հետո Թրամփն ու Զելենսկին հեռախոսազրույց են ունեցել և պայմանավորվել հանդիպել օգոստոսի 18-ին։
