29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Ուկրաինայում հայտարարում են ռազմական հաջողությունների մասին Պոկրովսկի հյուսիսում
Քաղաքականություն
17.08.2025 | 14:23
Քաղաքացիական և ռազմական իշխանությունները Ուկրաինայում հայտարարել են հաջողությունների մասին՝ ռուսական զորքերի առաջխաղացումը Պոկրովսկի շրջանի հյուսիսում կասեցնելու գործում։ Այս մասին հաղորդվել է շաբաթ երեկոյան, օգոստոսի 16-ին։
Ուկրաինայի նախագահ Վլադիմիր Զելենսկին Telegram-ում գրել է, որ լսել է ԶՈւ գլխավոր հրամանատար Ալեքսանդր Սիրսկու զեկույցը «ռուսական բանակի մտադրությունների և տեղաշարժերի մասին»։
«Երկրորդ օրն անընդմեջ հաջողություններ ունենք Դոնեցկի մարզի որոշ ամենաբարդ ուղղություններով՝ Դոբրոպոլյայի և Պոկրովսկի ուղղությամբ»,-ասել է Զելենսկին։
Նա հայտարարել է ռուս մի շարք զինվորների գերի վերցնելու մասին, որոնք «փորձել են թափանցել ուկրաինական դիրքերի խորքը» տվյալ տարածքում։ Զելենսկին շնորհակալություն է հայտնել ԶՈւ կորպուսներին և բրիգադներին, այդ թվում՝ Ուկրաինայի Ազգային գվարդիայի 1-ին կորպուս «Ազով»-ին։
«Ազով»-ի ֆեյսբուքյան էջում օգոստոսի 16-ին հայտնել են, որ երեք օրվա ընթացքում Պոկրովսկի մոտ «մաքրել են» վեց բնակավայր այն տարածքում, որտեղ առաջ էին անցել ՌԴ զինված ուժերը։ Դրանց թվում են Զոլոտոյ Կոլոդեց և Վեսելոյե գյուղերը, ուր ավելի վաղ մտել էին ռուս զինվորները։
Վերջին օրերին Ուկրաինայի ԶՈՒ Գլխավոր շտաբը տեղեկացրել էր Պոկրովսկի ուղղությամբ մղվող ծանր մարտերի և ՌԴ ԶՈւ առաջխաղացման տասնյակ փորձերի հետ մղման մասին։ Օգոստոսի 17-ի առավոտյան Գլխավոր շտաբը հրապարակել էր Պոկրովսկի շրջանի իրավիճակի քարտեզ, որտեղ Զոլոտոյ Կոլոդեց և Վեսելոյե գյուղերի հատվածում ելուստ այլևս նշված չէր։
