01.04.2026 | 13:09
Ամուսինը կնոջը հասցրել է ինքնասպանության․ գործը ուղարկվել է դատարան
Պուտինը՝ Թրամփի հետ հանդիպման մասին
Քաղաքականություն
16.08.2025 | 19:37
Ռուսաստանի նախագահ Վլադիմիր Պուտինը Կրեմլում, Ալյասկայում կայացած գագաթնաժողովի արդյունքներին նվիրված խորհրդակցության ժամանակ հայտարարել է, որ այցը ԱՄՆ եղել է «ժամանակին և չափազանց օգտակար», փոխանցում են ռուսական լրատվակնները։
Պուտինի խոսքով՝ հանդիպման հիմնական թեման եղել է «Ուկրաինայի ճգնաժամի արդար հիմքով լուծումը»։
«Իհարկե, մեզ հնարավորություն տրվեց խոսել ճգնաժամի ծագման և պատճառների մասին։ Հենց սկզբնական պատճառների վերացումը պետք է դրվի կարգավորման հիմքում»,-նշել է նա։
Պուտինը նաև ասել է, որ «մենք երկար ժամանակ նման մակարդակի ուղղակի բանակցություններ չենք վարել»։
«Մենք, բնականաբար, հարգանքով ենք վերաբերվում ամերիկյան վարչակազմի դիրքորոշմանը, որը տեսնում է ռազմական գործողությունների արագ դադարեցման անհրաժեշտությունը։ Եվ մենք էլ դա ցանկանում ենք և ցանկանում ենք անցնել բոլոր հարցերի խաղաղ լուծմանը։
Խոսակցությունը շատ անկեղծ և բովանդակալից էր, և իմ կարծիքով, սա մեզ մոտեցնում է անհրաժեշտ լուծումներին»,-նշել է Պուտինը։
Հիշեցնենք՝ ԱՄՆ նախագահ Դոնալդ Թրամփի և ՌԴ նախագահ Վլադիմիր Պուտինի միջև Ալյասկայում օգոստոսի 15-ին կայացած հանդիպումն ավարտվել է՝ առանց ռուս-ուկրաինական հակամարտության հրադադարի շուրջ որևէ համաձայնության։
Կողմերի միջև հանդիպումը տևել է շուրջ երեք ժամ, որից հետո նախագահները մոտ 10 րոպե ամբիոնի մոտից հայտարարություններ են արել լրագրողների առջև։ Նրանք, սակայն, հարցերի չեն պատասխանել։ Երկու ղեկավարներն էլ բանակցություններն անվանել են արդյունավետ և նշել, որ գրանցվել է որոշակի առաջընթաց, սակայն մանրամասներ չեն հայտնել։
