09.10.2026 | 20:10
Ժանտախտ․ ինչպես է փոխանցվում, որքանով է վտանգավոր և արդյոք բուժում կա․ զրույց մասնագետի հետ. ՏԵՍԱՆՅՈՒԹ
Ուկրաինայում խաղաղության համար անհրաժեշտ են անվտանգության երաշխիքներ և տարածքների փոխանակում․ ԱՄՆ պետքարտուղար
Քաղաքականություն
14.08.2025 | 19:44
Սպիտակ տան վարչակազմը կարծում է, որ Ուկրաինայում խաղաղության հասնելու համար անհրաժեշտ է քննարկել անվտանգության երաշխիքների ու տարածքային փոխանակման հարցեր: Այս մասին հայտարարել է ԱՄՆ պետքարտուղար Մարկո Ռուբիոն Պարագվայի արտաքին գործերի նախարար Ռուբեն Ռամիրես Լեսկանոյի հետ հանդիպման ժամանակ, գրում է ՏԱՍՍ-ը։
«[Ուկրաինայում] խաղաղության հասնելու համար, կարծում եմ, մենք բոլորս գիտակցում ենք դա, անհրաժեշտ կլինի բանակցել անվտանգության երաշխիքների շուրջ: Անհրաժեշտ կլինի խոսել տարածքային վեճերի և պահանջների, ինչպես նաև այն մասին, թե ինչի համար են նրանք պայքարում»,- ասել է նա:
Ըստ Ռուբիոյի՝ ԱՄՆ-ը կանի ամեն ինչ՝ Ուկրաինայում խաղաղության հասնելու համար, սակայն որոշումը պետք է կայացնեն Մոսկվան ու Կիևը։
«Տեսնենք՝ ինչպես կընթանա ամեն ինչ վաղը: Նախագահ Թրամփն ակնկալում է վաղը խոսել Պուտինի հետ և արագ, վաղ փուլում հասկանալ՝ հնարավո՞ր է խաղաղություն, թե՞ ոչ»,- հավելել է ամերիկացի պաշտոնյան։
