29.04.2026 | 10:12
Հայտնի է Արման Ծառուկյանի հաջորդ մրցակիցը RAF-ում
Իսրայելը բանակցություններ է վարում Գազայի բնակիչներին այլ երկրներում վերաբնակեցնելու հարցով․ ԶԼՄ-ներ
Քաղաքականություն
14.08.2025 | 19:59
Իսրայելը բանակցություններ է վարում հինգ երկրների, այդ թվում՝ Եթովպիայի, Լիբիայի և Ինդոնեզիայի իշխանությունների հետ՝ զգալի փոխհատուցման դիմաց Գազայի բնակիչների հնարավոր վերաբնակեցման հարցով։ Այս մասին հաղորդում է CNN-ը՝ վկայակոչելով Իսրայելի բարձրաստիճան պաշտոնյայի, փոխանցում է ՌԻԱ Նովոստին։
Աղբյուրի փոխանցմամբ՝ պարզ չէ, թե ինչ փուլում են բանակցությունները և արդյո՞ք դրանք որևէ արդյունքի կհանգեցնեն։
Հուլիսին Axios-ը, վկայակոչելով իր աղբյուրներին, հաղորդել էր, որ Իսրայելի արտաքին հետախուզության ծառայության (Մոսադ) ղեկավար Դեյվիդ Բարնեան Վաշինգտոնում հանդիպել է ԱՄՆ նախագահի դեսպան Սթիվ Ուիթկոֆի հետ՝ օգնություն խնդրելու՝ համոզել այլ երկրներին ընդունել այն պաղեստինցիներին, որոնք պետք է վերաբնակեցվեն։ Աղբյուրների համաձայն՝ Բարնեան Ուիթկոֆին ասել է, որ Եթովպիան, Ինդոնեզիան և Լիբիան պատրաստակամություն են հայտնել ընդունել մեծ թվով պաղեստինցիների։
Մարտին էլ Axios-ը հաղորդել է, որ Իսրայելի իշխանությունները բանակցություններ են վարել Հարավային Սուդանի և Ինդոնեզիայի հետ՝ Գազայի հատվածից այդ երկրներ պաղեստինցիների հնարավոր վերաբնակեցման հարցով։ Կայքի տվյալներով՝ Իսրայելի վարչապետ Բենիամին Նեթանյահուն ավելի վաղ հանձնարարել է «Մոսադ»-ին գտնել երկրներ, որոնք կհամաձայնվեն մեծ թվով պաղեստինցիների ընդունել։
