12.09.2026 | 12:53
Հայաստանի 4 մարզում և Երևանում Անկախության 35-ամյակին նվիրված միջոցառումներ կանցկացվեն
Պուտին-Թրամփ հանդիպման օրակարգը համաձայնեցված է․ Ուշակով
Քաղաքականություն
14.08.2025 | 13:21
ՌԴ նախագահի օգնական Յուրի Ուշակովը հայտարարել է, որ ՌԴ և ԱՄՆ նախագահներ Վլադիմիր Պուտինի և Դոնալդ Թրամփի հանդիպման օրակարգը համաձայնեցված է։
«Գագաթնաժողովի առանցքային թեման կլինի ուկրաինական ճգնաժամի կարգավորումը։ Անդրադարձ կլինի նաև այլ թեմաների»,- մանրամասնել է նա, գրում է ՏԱՍՍ-ը։
Ուշակովը հավելել է, որ նախագահները նախ առանձնազրույց կունենան, այնուհետև հանդիպումը կշարունակվի պատվիրակությունների մասնակցությամբ։
Երկու երկրների ղեկավարների հանդիպումը նախանշված է օգոստոսի 15-ին, Ալյասկայի Անքորիջ քաղաքում, ըստ լրատվամիջոցների՝ «Էլմենդորֆ-Ռիչարդսոն» ռազմաբազայում։ Հահնդիպումը կմեկնարկի տեղական ժամանակով 11:30-ին (Մոսկվայի ժամանակով՝ 22:30-ին)։
Հանդիպման արդյունքներով Պուտինն ու Թրամփը հանդես կգան համատեղ ասուլիսով։
