29.04.2026 | 17:33
Ազատ ոճի ըմբշամարտի Հայաստանի հավաքականն ամփոփել է Եվրոպայի առաջնությունը․ ՏԵՍԱՆՅՈՒԹ
ԱԹՍ-ների հարված Վոլգոգրադի նավթավերամշակման գործարանին․ հրդեհ է բռնկվել
Քաղաքականություն
14.08.2025 | 11:00
Ուկրաինական անօդաչու թռչող սարքերը երկրորդ գիշերն անընդմեջ հարձակվում են ՌԴ Վոլգոգրադ քաղաքի թիրախների վրա։ Ռոսավիացիան փակել է տեղի օդանավակայանը, հաղորդում է BBC-ի ռուսական ծառայությունը։
Վոլգոգրադի մարզի նահանգապետ Անդրեյ Բոչարովը հաստատել է քաղաքի նավթավերամշակման գործարանում ուկրաինական անօդաչու թռչող սարքերի հարձակումից հետո բռնկված հրդեհի մասին հաղորդագրությունները։
«Վոլգոգրադի նավթավերամշակման գործարանում թափված բեկորների հետևանքով նավթամթերք է թափվել և բռնկվել։ Հրշեջներն արագորեն սկսել են մարել հրդեհը։ Նախնական տվյալներով՝ զոհեր չկան»,- նշել է նահանգապետը՝ ուկրաինական անօդաչու թռչող սարքերի հարձակումն անվանելով «զանգվածային»։
Ուկրաինական կողմը Վոլգոգրադի նավթավերամշակման գործարանի վրա անօդաչուներով հարձակվել էր նաև այս տարվա հունվարի 31-ին և փետրվարի 3-ին, որից հետո, ըստ մամուլի հաղորդագրությունների, այն դադարեցրել է աշխատանքը:
