22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Մոսկվան կուսումնասիրի «Թրամփի երթուղու» մանրամասները․ ՌԴ ԱԳՆ ներկայացուցիչ
Քաղաքականություն
13.08.2025 | 15:30
Ռուսաստանը կուսումնասիրի «Զանգեզուրի միջանցքով» անցնող նախագծի մանրամասները, որը ստացել է «Թրամփի երթուղի՝ հանուն միջազգային խաղաղության և բարգավաճման» անվանումը։ Այսօր հրավիրված ճեպազրույցում այս մասին հայտարարել է ՌԴ ԱԳՆ տեղեկատվական դեպարտամենտի ղեկավարի տեղակալ Ալեքսեյ Ֆադեևը։
«Ինչ վերաբերում է «Թրամփի երթուղուն», Ռուսաստանի արտաքին գործերի նախարարությունը կուսումնասիրի նախագծի մանրամասները, որոնք, ի դեպ, դեռևս հրապարակային չեն։ Եվ, ինչպես արդեն նշել ենք, Հարավային Կովկասում արտատարածաշրջանային ուժերի ներգրավումն այս դեպքում պետք է առաջ մղի խաղաղության օրակարգը, այլ ոչ թե ստեղծի նոր խնդիրներ և նոր բաժանարար գծեր»,- հավելել է ռուսաստանցի դիվանագետը։
Ըստ նրա՝ Մոսկվան նշել է, որ անհրաժեշտ է հաշվի առնել այնպիսի գործոններ, ինչպիսիք են Հայաստանի անդամակցությունը ԵՏՄ-ին և ռուս սահմանապահների ներկայությունը ՀՀ Սյունիքի մարզում։ Դրանք պետք է հաշվի առնվեն տարածաշրջանում տրանսպորտային հաղորդակցությունների ապաշրջափակման վերաբերյալ որոշումների մշակման ժամանակ, հավելել է Ֆադեևը։
Օգոստոսի 8-ին Վաշինգտոնում, ԱՄՆ նախագահ Դոնալդ Թրամփի ներկայությամբ, Ադրբեջանի նախագահ Իլհամ Ալիևը և Հայաստանի վարչապետ Նիկոլ Փաշինյանը խաղաղության հռչակագիր ստորագրեցին։ Ավելի ուշ ՀՀ ԱԳՆ-ն հրապարակեց դրա տեքստը։
