05.11.2026 | 00:08
Ինչ է որոշել ընդդիմությունը. Նարեկ Կարապետյանը հանդիպումից հետո մանրամասներ հայտնեց. ՏԵՍԱՆՅՈՒԹ
Վրաստանը կշարունակի ներդրում ունենալ ՀՀ-Ադրբեջան խաղաղության բանակցություններում․ Ղավելաշվիլի
Քաղաքականություն
13.08.2025 | 14:20
Վրաստանը կշարունակի իր ներդրումն ունենալ Ադրբեջանի և Հայաստանի միջև ընթացող խաղաղության բանակցություններում։ Այս մասին հայտարարել է Վրաստանի նախագահ Միխեիլ Ղավելաշվիլին Թուրքիայի նախագահ Ռեջեփ Թայիփ Էրդողանի հետ համատեղ ասուլիսում, գրում է Անադոլու գործակալությունը։
«Այս համագործակցությունը չափազանց կարևոր է տարածաշրջանի կայունության համար: Մեր երկրների հաջողության, համագործակցության, կայունության և զարգացման ապահովման առումով Ադրբեջանի, Թուրքիայի և Վրաստանի միջև եռակողմ մեխանիզմը չափազանց լավ օրինակ է: Սա կարևոր օրինակ է, թե ինչպես կարող են երկրները համագործակցել, թե ինչպես են այս երկրները հարգում միմյանց տարածքային ամբողջականությունն ու ինքնիշխանությունը: Սա նաև չափազանց կարևոր է տարածաշրջանային անվտանգության համար»,- հայտարարել է Ղավելաշվիլին։
Օգոստոսի 8-ին Հայաստանն ու Ադրբեջանը Վաշինգտոնում խաղաղության հռչակագիր ստորագրեցին։ ՀՀ ԱԳՆ-ն օգոստոսի 11-ին հրապարակեց նախաստորագրված խաղաղության համաձայնագրի տեքստը։
