12.09.2026 | 14:10
Մեկնարկել է Tour of Armenia-ի երրորդ մրցափուլը
ՏԿԵ նախարարն այցելել է Երևան-Սևան ավտոճանապարհ
12.08.2025 | 23:14
ՀՀ ՏԿԵ նախարար Դավիթ Խուդաթյանն այսօր Գեղարքունիքի մարզպետ Կարեն Սարգսյանի և «Ճանապարհային դեպարտամենտ» հիմնադրամի պատասխանատուների հետ այցելել է Երևան-Սևան ավտոճանապարհ:
Նախարարությունից տեղեկացնում են, որ 28 կմ երկարությամբ ճանապարհի վրա այս պահին իրականացվում են միջին նորոգման աշխատանքներ, որոնց ավարտից հետո կսկսվեն ընդհանուր նորոգված հատվածի գծանշման աշխատանքները։
«Այնուհետև այց է կատարվել Հ-29 Սևան-Ծաղկունք-Զովաբեր հանրապետական նշանակության ավտոճանապարհ։
ՀՀ պետական բյուջեի միջոցներով հիմնանորոգվող 17.2 կմ երկարությամբ ճանապարհը կապում է Կոտայքի և Գեղարքունիքի մարզերը՝ միմյանց միացնելով Սևան քաղաքը, Վարսեր, Գեղամավան, Ծաղկունք, Դդմաշեն, Զովաբեր բնակավայրերը և Հրազդան քաղաքը։
Այս պահին ընթանում են ճանապարհի կողնակների տեղադրման աշխատանքները, ճանապարհը նախատեսվում է շահագործման հանձնել տարեվերջին»,- ասված է հաղորդագրությունում։
