22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Արդեն 5-րդ օրն է՝ չի հրապարակվում ԱՄՆ մեկնած պատվիրակության կազմը
Քաղաքականություն
12.08.2025 | 20:54
Վարչապետ Նիկոլ Փաշինյանի՝ ԱՄՆ այցից և Թրամփի ու Ալիևի հետ հռչակագիր ստորոգրելուց հինգ օր անց էլ չի հրապարակվում Վաշինգտոն մեկնած հայկական պատվիրակության կազմը։ Սա, թերևս, աննախադեպ է, քանի որ մշտապես կա՛մ այցից առնվազն մեկ օր առաջ, կա՛մ այցի մեկնարկին զուգահեռ մշտապես հրապարակվել են վարչապետի աշխատանքային ու պաշտոնական այցերի պատվիրակությունների կազմերը։
Factor.am-ն այսօր կրկին դիմել է ՀՀ վարչապետի աշխատակազմ և հետաքրքրվել, թե ինչո՞ւ egov.am հարթակում չի հրապարակվել ԱՄՆ այցելած պատվիրակության կազմը։ Վարչապետի աշխատակազմի լրատվության վարչությունից հայտնեցին, որ հստակեցումներ կանեն և պարզաբանում կներկայացնեն, սակայն աշխատանքային օրվա ավարտից հետո էլ որևէ արձագանք չեղավ։
Factor.am-ն ավելի վաղ ուսումնասիրել էր վարչապետի աշխատակազմի հրապարակած կադրերը և հայտնել, որ, վարչապետից զատ, պատվիրակության կազմում են ԱԳ նախարար Արարատ Միրզոյանը (այս մասին հայտնել էր նաև ԱԳՆ-ն), վարչապետի աշխատակազմի ղեկավար Արայիկ Հարությունյանը, ԲՏԱ նախարար Մխիթար Հայրապետյանը, ԱԽ քարտուղար Արմեն Գրիգորյանը, ԱԺ ՔՊ խմբակցության ղեկավար Հայկ Կոնջորյանը, ԱՄՆ-ում ՀՀ դեսպան Լիլիթ Մակունցը, ԱԳ նախարարի տեղակալ Վահան Կոստանյանը, վարչապետի մամուլի խոսնակ Նազելի Բաղդասարյանը, ՀՀ ԱԳՆ մամուլի խոսնակ Անի Բադալյանը։
Նարեկ Կիրակոսյան
