25.08.2026 | 22:19
Էրդողանը նախազգուշացրել է՝ «ահաբեկչությունից շահույթ ստացողները» դատապարտված են ձախողման
Ղազախստանում նախապատրաստվում են ՀՀ վարչապետի պաշտոնական այցին
Քաղաքականություն
12.08.2025 | 10:30
ՀՀ վարչապետ Նիկոլ Փաշինյանը 2025 թվականի վերջին պաշտոնական այց կկատարի Ղազախստան։ Այս մասին ասվում է Ղազախստանի նախագահի մամուլի ծառայության հաղորդագրությունում, որում ներկայացվում է Նիկոլ Փաշինյանի և Կասիմ-Ժոմարտ Տոկաևի հեռախոսազրույցի մանրամասները։
Նշվում է, որ Ղազախստանի նախագահը ջերմորեն շնորհավորել է Նիկոլ Փաշինյանին Վաշինգտոնում Հայաստանի և Ադրբեջանի միջև խաղաղության հաստատելու վերաբերյալ հռչակագրի ստորագրման առթիվ։
«Այդ փաստաթղթի ստորագրումը, որը պատմական նշանակություն ունի, հնարավոր է դարձել այդ թվում Նիկոլ Փաշինյանի՝ որպես քաղաքական գործիչ ունեցած ակնառու որակների շնորհիվ, որն ուժեղ քաղաքական կամք ու իր պետության ազգային շահերի ռազմավարական տեսլական ունի»,- ասվում է հաղորդագրությունում։
Տոկաևը հայտնել է նաև, որ Աստանայում սկսվել են այս տարվա վերջում Հայաստանի վարչապետ Նիկոլ Փաշինյանի՝ Ղազախստան կատարելիք պաշտոնական այցի նախապատրաստական աշխատանքները։
