09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Տոկաևը Փաշինյանի հետ հեռախոսազրույց կունենա օգոստոսի 11-ին
Քաղաքականություն
10.08.2025 | 16:32
Ղազախստանի նախագահ Կասիմ-Ժոմարտ Տոկաևը Ադրբեջանի նախագահ Իլհամ Ալիևի հետ հեռախոսազրույցի ժամանակ շնորհավորել է նրան Ադրբեջանի և Հայաստանի միջև հակամարտության խաղաղ կարգավորման մասին հռչակագիրը ստորագրելու կապակցությամբ, հայտնում է Ղազախստանի ղեկավարի մամուլի ծառայությունը:
Տոկաևը նշել է, որ այս փաստաթուղթը ստորագրվել է միջազգային իրավունքի սկզբունքներին և ՄԱԿ-ի բանաձևերին համապատասխան, հետևաբար, այն լիովին համապատասխանում է Ադրբեջանի և Հայաստանի ռազմավարական շահերին և կնպաստի նաև Կովկասում լայն միջազգային համագործակցության զարգացմանը։
Ղազախստանը, որպես Ադրբեջանի ռազմավարական գործընկեր, անկեղծորեն ողջունում է տարածաշրջանում երկար սպասված խաղաղության հաստատումը, ասվում է հայտարարության մեջ։
Նշվել է, որ Ղազախստանի նախագահը հաստատել է Աստանայի պատրաստակամությունը շարունակել տրամադրել իր հարթակը բանակցությունների համար։ Նա նաև հայտնել է, որ օգոստոսի 11-ին հեռախոսազրույց կունենա ՀՀ վարչապետ Նիկոլ Փաշինյանի հետ։
