17.02.2026 | 10:50
Թրամփը հայտարարել է, որ «անուղղակիորեն» կմասնակցի Իրանի միջուկային ծրագրի շուրջ բանակցություններին
Ցանկացած վերջնական համաձայնագիր պետք է ներառի կիրառման ամուր մեխանիզմներ և անվտանգության երաշխիքներ Հայաստանի համար․ Փալոն
Քաղաքականություն
09.08.2025 | 13:08
ԱՄՆ կոնգրեսական Ֆրենկ Փալոնը ողջունել է Սպիտակ տան հանդիպման ժամանակ Հայաստանի և Ադրբեջանի հարաբերությունների կարգավորման առաջընթացը։
Նա գրառում է կատարել X-ի իր էջում՝ անդրադառնալով Վաշինգտոնում կայացած Փաշինյան-Թրամփ-Ալիև հանդիպմանը։
«Ողջունում եմ ԱՄՆ-ի ուղղակի ներգրավվածությունը Հայաստանի և Ադրբեջանի միջև խաղաղության գործընթացին։ Թեև Հայաստանում՝ հարավային հատվածով տրանսպորտային միջանցքի գոյությունը խնդիրներ է ստեղծում, հուսով եմ՝ ԱՄՆ-ի ուղիղ ներգրավվածությունը կհանգեցնի արդար և երկարաժամկետ խաղաղության համաձայնագրի կնքման և Հայաստանի դեմ Ադրբեջանի և Թուրքիայի կողմից իրականացվող տնտեսական շրջափակման դադարեցմանը։
Ցանկացած վերջնական համաձայնագրում պետք է ներառվի ուժեղ կիրառման մեխանիզմներ և Հայաստանի անվտանգության երաշխիքներ՝ այն պարագայում, եթե Ադրբեջանը խախտի իր պայմանավորվածությունները։ Այս համատեքստում սխալ է, որ ԱՄՆ-ն հրաժարվում է «Ազատության աջակցության մասին» օրենքի 907-րդ հոդվածի կիրառումից։ Չկա որևէ հիմնավորում Ադրբեջանին ռազմական օգնություն տրամադրելու համար»։
Կոնգերսականի խոսքով՝ բացի այդ, պետք է արվի ամեն ինչ՝ ստիպելու Ադրբեջանի նախագահ Իլհամ Ալիևին ազատ արձակել ռազմագերիներին և քաղաքական բանտարկյալներին, որոնք շարունակում են պահվել Բաքվում, ինչպես նաև դուրս բերել իր զորքերը Հայաստանի տարածքից։
«ԱՄՆ-ն ունի բարոյական պարտավորություն՝ ապահովելու Արցախի բռնի տեղահանված հայերի անվտանգ, արժանապատիվ և կայուն վերադարձը իրենց բնիկ հայրենիք՝ Լեռնային Ղարաբաղ»,- ընդգծել է Ֆրենկ Փալոնը։
