12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Վաշինգտոնում շահեցին ՀՀ-ն, Ադրբեջանը, ԱՄՆ-ն և տուժեց միայն ՌԴ-ն․ այս վայնասունը՝ կապված է դրա հետ․ Արեգ Քոչինյան․ ՏԵՍԱՆՅՈՒԹ
Քաղաքականություն
09.08.2025 | 12:33
«Խաղաղության համաձայնագրի նախաստորագրումը կարևոր քայլ է ՀՀ-ի և Ադրբեջանի միջև խաղաղություն կառուցելու ճանապարհին։ Ինչ ճանապարհներ բացվեն մեր տարածքում՝ ՀՀ ինքնիշխանության ներքո կլինեն, արտատարածքային միջանցքի բաղադրիչ չի լինելու։ Մեղրիի ճանապարհին ԱՄՆ-ի մեծ ներդրումներ կլինեն, դա կբարձրացնի անվտանգությունը, և այն կկառավարվի ՀՀ-ԱՄՆ-ի ստեղծելիք կոնսորցիում ներքո։ Այսպիսով կարելի է ասել, որ գերեզմանաքար դրվեց ՀՀ-ի տարածքով Զանգեզուրի միջանցք ստանալու Ադրբեջանի ծրագրի վրա»,- Factor TV-ի հետ զրույցում ասել է Անվտանգային քաղաքականության հետազոտական կենտրոնի ղեկավար, քաղաքագետ Արեգ Քոչինյանը՝ մեկնաբանելով Վաշինգտոնում Թրամփ-Փաշինյան-Ալիև եռակողմ հանդիպման արդյունքները։
Ըստ քաղաքագետի՝ «Թրամփի ուղին» ավելի հայաստանյան նախագիծ է, քան՝ ռուսական երկաթուղին է, և որ այն կլինի ՀՀ-ԱՄՆ կոնցենսիոն կառավարման տակ, ինչը նշանակում է, որ այն միջանցք չէ․ «Վաշինգտոնում շահեցին ՀՀ-ն, Ադրբեջանը, ԱՄՆ-ն և տուժեց միայն ՌԴ-ն, և այս վայնասունը՝ կապված է դրա հետ։ Սա ՌԴ-ի մեծագույն գեոպլիտիկ պարտությունն է, սկսվեց ռեգիոնում ռուսական ճարտարապետության կազմաքանդման նոր փուլը»,- նշեց քաղաքագետը։
Հարցազրույցն ամբողջությամբ՝ տեսանյութում։
Ռոբերտ Անանյան
