25.06.2026 | 09:33
ՀՀ տարածքում ավտոճանապարհներն անցանելի են
«ԱՄՆ-ն իր աջակցությունն է հայտնում ՀՀ կառավարության ներկայացրած «Խաղաղության խաչմերուկ» նախագծին»․ Խանդանյանը նշեց՝ ինչ փաստաթղթեր են ստորագրել Թրամփն ու Փաշինյանը
Քաղաքականություն
09.08.2025 | 00:57
Դոնալդ Թրամփ-Նիկոլ Փաշինյան երկկողմ հանդիպմանը հայ-ամերիկյան ռազմավարական գործընկերությունից բխող հուշագրեր են ստորագրվել: Այս մասին Հանրային հեռուստաընկերության եթերում հայտարարեց ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը: Նրա տեղեկացմամբ` 3 կարևոր փաստաթղթեր են ստորագրվել: Խանդանյանի փոխանցմամբ` առաջինը վերաբերում է «Խաղաղության խաչմերուկ» նախագծին:
«ԱՄՆ-ն իր աջակցությունն է հայտնում ՀՀ կառավարության ներկայացրած «Խաղաղության խաչմերուկ» նախագծին: Դա ենթադրում է, որ ԱՄՆ-ը ՀՀ-ի հետ համագործակցելու է այդ ենթակառուցվածքների ծրագիրը կյանքի կոչելու և ներդրումներ կատարելու համար, մասնավորապես` ՀՀ մաքսային և սահմանանին զորքերի կարողությունների զարգացման գործում: ԱՄՆ իր անվերապահ աջակցությունն է հայտնում ՀՀ տարածքային ամբողջականությանը, ինքնիշխանությանը և սահմանների անխախատելիությանը»,-մանրամասնեց նա:
Խանդանյանը հայտնեց, որ երկրորդ փաստաթուղթը վերաբերում է էներգետիկային՝ ԱՄՆ-ն համագործակցելու է ՀՀ-ի հետ էներգետիկ անվտանգության ոլորտում։ Երրորդն էլ վերաբերում է բարձր տեխնոլոգիաներին ու արհեստական բանականությանը։
Հիշեցնենք, որ Սպիտակ տանը տեղի ունեցավ ՀՀ վարչապետ Նիկոլ Փաշինյանի և ԱՄՆ նախագահ Դոնալդ Թրամփի հանդիպումը։ Ավելի վաղ վարչապետ Նիկոլ Փաշինյանը հանդիպում էր ունեցել ԱՄՆ նախագահի հատուկ բանագնաց Սթիվ Ուիթքոֆի հետ: Զրուցակիցները քննարկել էին Հայաստան-ԱՄՆ ռազմավարական հարաբերությունների զարգացմանը և հետագա քայլերին վերաբերող հարցեր:
