20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
ԵՄ Խորհուրդը հավանություն է տվել Ուկրաինային 3,2 միլիարդ եվրոյի օգնություն հատկացնելուն
Քաղաքականություն
08.08.2025 | 23:03
Ուկրաինային օգնության եվրոպական մեխանիզմի շրջանակում Կիևը 3,2 մլրդ եվրոյի չափով օգնության չորրորդ տրանշը կստանա, հայտնել է Եվրոպական խորհուրդը։ ԵՄ-ն հիշեցրել է, որ այս ծրագրի շրջանակում ֆինանսավորումը հիմնականում ուղղված է Ուկրաինայի մակրոֆինանսական կայունության ամրապնդմանը և երկրի պետական մարմինների գործունեության աջակցմանը, գրում է DW-ի ռուսական ծառայությունը։
Ուկրաինային աջակցության մեխանիզմը նախատեսված է 2024-2027 թվականների համար և ԵՄ-ին թույլ կտա այդ ժամանակահատվածում Ուկրաինային տրամադրել մինչև 50 միլիարդ եվրո «կայուն և կանխատեսելի ֆինանսական օգնություն», նշվում է Եվրոպական հանձնաժողովի կայքում հրապարակված հաղորդագրությունում:
Մինչ այս, ԵՄ-ն արդեն Ուկրաինային հատկացրել է 6 միլիարդ եվրո միջանկյալ ֆինանսավորման, 1,89 միլիարդ եվրո՝ նախապես տրամադրվող ֆինանսավորման տեսքով և երեք տրանշ՝ 4,2 միլիարդ, 4,1 միլիարդ և 3,5 միլիարդ եվրոյի չափով, հիշեցրել է ԵՄ Խորհուրդը:
