13.01.2026 | 14:00
Կաշկանդված չենք քննադատել Սոլովյովի հայտարարությունը․ Իշխան Սաղաթելյան․ ՏԵՍԱՆՅՈՒԹ
Հայաստանն ու Ադրբեջանը նախնական խաղաղության համաձայնագիր կստորագրեն․ Սպիտակ տուն
Քաղաքականություն
08.08.2025 | 21:40
Հայաստանն ու Ադրբեջանը Վաշինգտոնում նախնական խաղաղության համաձայնագիր կստորագրեն, որը նպատակ ունի ամրապնդել երկու երկրների միջև տնտեսական կապերը տասնամյակներ տևած հակամարտությունից հետո։ Reuters-ի հաղորդմամբ՝ այս մասին հայտարարել է Սպիտակ տան մամուլի քարտուղար Աննա Քելլին։
«Նախագահ Դոնալդ Թրամփը մտադիր է ողջունել երկու երկրների ղեկավարներին Սպիտակ տանը ստորագրման արարողությանը։ Նա առանձին համաձայնագրեր կստորագրի Հայաստանի և Ադրբեջանի հետ էներգետիկայի, տեխնոլոգիաների, տնտեսական համագործակցության, սահմանային անվտանգության, ենթակառուցվածքների և առևտրի ոլորտներում»,- ասել է նա։
Նշվում է, որ այս համաձայնագիրը կդառնա առաջին պաշտոնական փաստաթուղթը, որը կստորագրվի երկու երկրների միջև պատերազմի ավարտից ի վեր։
Ըստ հրապարակման՝ համաձայնագրի առանցքում նոր տարանցիկ միջանցքն է, որը ստացել է «Թրամփի երթուղի միջազգային խաղաղության և բարեկեցության համար» (TRIPP), և որը կկապի Ադրբեջանի հիմնական հատվածը Նախիջևանի հետ՝ անցնելով Հայաստանի հարավային մասով (մոտ 32-43 կմ)։ Այս երթուղին ուղղված է տարածաշրջանային տնտեսական ինտեգրման խթանմանը՝ ներառելով երկաթուղային, նավթագազային, օպտիկամանրաթելային ենթակառուցվածքներ։ Ընդգծվում է, որ այս համաձայնության արդյունքում ԱՄՆ-ը ստանձնում է առաջնորդող դեր միջանցքի կառուցման և շահագործման հարցում՝ այդպիսով նվազեցնելով Ռուսաստանի ազդեցությունը Հարավային Կովկասում։
