13.01.2026 | 14:00
Կաշկանդված չենք քննադատել Սոլովյովի հայտարարությունը․ Իշխան Սաղաթելյան․ ՏԵՍԱՆՅՈՒԹ
ՀՀ-Ադրբեջան խաղաղության համաձայնագրի առանցքային տարրը «Թրամփի երթուղին» է․ աղբյուր
Քաղաքականություն
08.08.2025 | 17:25
ԱՄՆ բարձրաստիճան պաշտոնյաները տեղեկատվական ճեպազրույց են անցկացրել այսօր նախանշված ԱՄՆ-Հայաստան-Ադրբեջան գագաթնաժողովի վերաբերյալ։ Խաղաղության համաձայնագրի առանցքային տարրը «Թրամփի երթուղին» է կամ TRIPP-ը։ Ֆեյսբուքյան գրառմամբ այս մասին հայտնել է ԱՄՆ-ում բնակվող ադրբեջանցի լրագրող Ալեքս Ռաուֆօղլուն։
«Պաշտոնյաները հաստատեցին, որ այն ապահովում է անխոչընդոտ կապը՝ միաժամանակ հարգելով Հայաստանի ինքնիշխանությունը։ Խաղաղության համաձայնագիրը ներկայացվում է նաև որպես աշխարհաքաղաքական հաղթանակ Արևմուտքի համար։ Պաշտոնյաները հայտարարեցին, որ նոր երթուղին կվիճարկի Ռուսաստանի և Իրանի ազդեցությունը տարածաշրջանում՝ ապահովելով անմիջական առևտրային և էներգետիկ կապ Հարավային Կովկասից դեպի Եվրոպա՝ շրջանցելով այդ երկու երկրները»,- գրել է նա։
Ըստ լրագրողի՝ ամերիկյան վարչակազմը կսկսի աշխատանքային խմբերի ձևավորումը՝ ճանապարհային քարտեզի մանրամասները կյանքի կոչելու համար, իսկ «Թրամփի երթուղու» շուրջ բանակցությունները, սպասվում է, որ կմեկնարկեն հաջորդ շաբաթ։
«Մի պաշտոնյա հայտնել է, որ ինը տարբեր օպերատորներ արդեն հետաքրքրություն են ցուցաբերել, որոնցից երեքը՝ ԱՄՆ-ից։ Նրանք ընդգծել են, որ նախագիծը կոմերցիոն նախաձեռնություն է, ոչ թե բարեգործություն, և նպատակ ունի ապահովել խաղաղություն գալիք սերունդների համար»,- նշել է Ռաուֆօղլուն։
