05.11.2026 | 15:01
ԱՄՆ պետքարտուղար Մարկո Ռուբիոյին կարող է փոխարինել ԽՍՀՄ-ում ծնված Սերջիո Գորը
Լուկաշենկոն հայտարարել է, որ չի պատրաստվում առաջադրվել նոր ժամկետով
Քաղաքականություն
08.08.2025 | 16:40
Բելառուսի ղեկավար Ալեքսանդր Լուկաշենկոն ամերիկյան Time ամսագրի թղթակից Սայմոն Շուստերին տված հարցազրույցում հայտարարել է, որ չի ծրագրում առաջադրվել ևս մեկ ժամկետով, փոխանցում է DW-ի ռուսական ծառայությունը։
«Ես հիմա չեմ ծրագրում, արդեն չեմ ծրագրում»,- ասել է նա։
Լուկաշենկոն հավելել է, որ իր կրտսեր որդուն՝ Նիկոլային նույնպես չի տեսնում որպես պետության հաջորդ ղեկավար։
«Ոչ, նա իրավահաջորդ չէ։ Ես գիտեի, որ ուզում էիր հարցնել։ Ոչ, ոչ, ոչ։ Հարցրու նրան։ Շատ կվիրավորես դրանով նրան»,- հայտարարել է Լուկաշենկոն։
Բելառուսի ղեկավարը նաև ենթադրություն է հայտնել, որ երկրի հաջորդ նախագահը կարող է լինել «մարդ, որը մի փոքր այլ քաղաքականություն կվարի»։
«Պարզապես թող նա անմիջապես ոչինչ չքանդի, այլ ինչպես ես արեցի՝ հենվելով ուժեղների ուսերին, այն ամենի, ինչ կա, հանգիստ էվոլյուցիոն կերպով զարգացնելով երկիրը, որպեսզի այս հեղափոխական հիասթափությունը չլինի։ Իսկ եթե նա համոզի հասարակությանը, որ անհրաժեշտ է շարժվել դեպի այլ իրավիճակ, Աստծո սիրուն»,- հայտարարել է Լուկաշենկոն։
