07.09.2026 | 21:33
Volkswagen-ը գերմանական ավտոգործարաններից մեկը վերափոխում է՝ իսրայելական պաշտպանական տեխնիկա կարտադրի
Թրամփի և Պուտինի հանդիպումը կարող է տեղի ունենալ օգոստոսի 11-ին
Քաղաքականություն
08.08.2025 | 15:12
ԱՄՆ և ՌԴ նախագահներ Դոնալդ Թրամփի և Վլադիմիր Պուտինի հանդիպումը կարող է տեղի ունենալ հաջորդ երկուշաբթի՝ օգոստոսի 11-ին, հնարավոր վայրը համարվում է Հռոմը։ Այս մասին Fox News-ին ասել են բանակցություններին ծանոթ երկու աղբյուրներ, փոխանցում է ՌԻԱ Նովոստին։
Ավելի վաղ ՌԴ նախագահի օգնական Յուրի Ուշակովը լրագրողներին հայտնել էր, որ Ռուսաստանը և Միացյալ Նահանգները համաձայնության են եկել առաջիկա օրերին Պուտինի և Թրամփի հանդիպման վերաբերյալ, և որ դրա ուղղությամբ աշխատանքներ են տարվում։ Վլադիմիր Պուտինը, իր հերթին, Թրամփի հետ իր հանդիպման հարմար վայրերից մեկը նշել էր ԱՄԷ-ն։
«Ռուսաստանի նախագահ Վլադիմիր Պուտինի և ԱՄՆ նախագահի միջև բանակցությունները կարող են տեղի ունենալ արդեն հաջորդ շաբաթ։ Բանակցություններին ծանոթ երկու աղբյուրներ Fox News-ին հայտնել են, որ գագաթնաժողովը նախատեսված է հաջորդ երկուշաբթի, որի նպատակակետերից մեկը քննարկվում է Հռոմը»,- նշել է ամերիկյան հեռուստաալիքը։
Ըստ հրապարակման՝ եթե հանդիպումը տեղի ունենա հաջորդ շաբաթ ավելի ուշ, Հռոմը կշարունակվի դիտարկվել որպես հավանական վայր, ինչպես նաև այլ տարբերակներ Եվրոպայում և աշխարհում։
