06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Թրամփը շահում է, Ալիևը շահում է, տուժում է Հայաստանը, շահում է Նիկոլ Փաշինյանը. Հայկ Խանումյան․ ՏԵՍԱՆՅՈՒԹ
Քաղաքականություն
08.08.2025 | 19:00
Քաղաքական գործիչ Հայկ Խանումյանը, անդրադառնալով ԱՄՆ-ում նախատեսված Փաշինյան-Թրամփ-Ալիև եռակողմ հանդիպմանը, Factor TV-ի հետ զրույցում նշեց, որ տարածաշրջանային ճանապարհների հարցում որևէ գերտերություն չպետք է ներգրավված լինի։
«Եթե ճանապարհի հարցը չեն կարող լուծել միայն ՀՀ-ն ու Ադրբեջանը, դա արդեն խնդիր է։ Խաղաղության համաձայնագիրը պետք է կնքվեր Հայաստանի և Ադրբեջանի միջև՝ առանց միջնորդի»,- ասում է Խանումյանը։
Նրա խոսքով՝ Հայաստանի կողմից ԱՄՆ-ին գործընթացում ներգրավելն ավելացնում է թշնամանքը տարածաշրջանում, և դա միայն այն բանի համար, որ Ադրբեջանը կապ հաստատի Նախիջևանի հետ։
«Թրամփը շահում է, Ալիևը շահում է, տուժում է Հայաստանը, շահում է Նիկոլ Փաշինյանը։ Վերջինիս անհրաժեշտ է մի թուղթ, որը ցույց կտա իր ընտրողներին, թե խաղաղություն է բերել։ Դրա համար էլ համաձայնագիրը վերցրել է և ընկել Ալիևի հետևից»,- ասաց Խանումյանը։
Նա հավելեց, որ Փաշինյանի հիմնական նպատակը 2026 թվականի ընտրություններին վերարտադրվելն է, և այդ ճանապարհին նա հրաժարվում է փոխադարձության սկզբունքից։
«Մենք արդեն տեսել ենք, թե ինչպես է Ռուսաստանը մեր հաշվին առևտուր արել։ Ճանապարհին որևէ գերտերություն չպետք է լինի»,- ընդգծեց Խանումյանը։
Հարցազրույցն ամբողջությամբ՝ տեսանյութում։
Նարեկ Կիրակոսյան
