20.12.2025 | 11:19
Դավիթ Բաբայանը Բաքվի դատարանում ևս եզրափակիչ ելույթով է հանդես եկել
Թրամփի հետ բանակցություններում Պուտինը կարող է Ուկրաինայի ու ԵՄ-ի համար անիրագործելի տարածքային պահանջներ առաջադրել. WSJ
Քաղաքականություն
08.08.2025 | 13:30
ՌԴ նախագահ Վլադիմիր Պուտինն ԱՄՆ նախագահ Դոնալդ Թրամփի հետ բանակցություններում կարող է առաջարկել ճանաչել Մոսկվայի վերահսկողությունը Ուկրաինայի գրավյալ հատվածի նկատմամբ՝ Ուկրաինայի մյուս շրջաններից զորքերը դուրս բերելու դիմաց։ Դոնալդ Թրամփը, իր հերթին, ձգտելով հնարավորինս արագ համաձայնագիր կնքել, կարող է կոչ անել Ուկրաինային և նրա դաշնակիցներին՝ ընդունել Ռուսաստանի ղեկավարի առաջարկը։ Այս մասին գրում է The Wall Street Journal-ը՝ վկայակոչելով եվրոպացի բարձրաստիճան դիվանագետի և ուկրաինացի պաշտոնյայի, փոխանցում է BBC-ի ռուսական ծառայությունը։
Ուկրաինան ու եվրոպացի առաջնորդները, ամենայն հավանականությամբ, կմերժեեն այս ծրագիրը, իսկ դա, իր հերթին, ձեռնտու կլինի Ռուսաստանի նախագահին։ Թրամփը, որին հազվադեպ են հետաքրքրում խաղաղ կարգավորման մանրամասները, կարող է Ուկրաինային մեղադրել ռազմական գործողությունները շարունակելու համար, նշել է ուկրաինացի պաշտոնյան։
Դրանից հետո ԱՄՆ նախագահը կարող է դադարեցնել Ուկրաինային հետախուզական և ռազմական աջակցության տրամադրումը, ինչպես նա արեց ավելի վաղ։ Միաժամանակ, Միացյալ Նահանգները կարող է ամբողջությամբ հեռանալ դիվանագիտական գործընթացից՝ թողնելով Մոսկվային ու Կիեւին շարունակել այն, ինչը Թրամփը վաղուց կոչում է «Բայդենի պատերազմ»:
Հիշեցնենք, որ ամերիկյան և ռուսական կողմերը հայտարարել են առաջիկա օրերին ՌԴ և ԱՄՆ նախագահների հանդիպման պայմանավորվածության մասին։
