16.07.2026 | 15:31
Կհստակեցվեն ուսուցիչներին լրավճարի տրամադրման մեխանիզմները
Ռուսական զորքերը 108 ԱԹՍ-ով հարվածել են Ուկրաինային․ Կիևի մարզում երեք մարդ է վիրավորվել
Քաղաքականություն
08.08.2025 | 12:48
Օգոստոսի լույս 8-ի գիշերը ռուսական զորքերը հարվածել են Ուկրաինայի 108 անօդաչու թռչող սարքերով, դրանցից 82-ը ոչնչացվել են, հայտնում է Ուկրաինայի զինված ուժերի օդուժը, փոխանցում է Current time-ը։
Ըստ ուկրաինական զինվորականների՝ գրանցվել է 26 անօդաչու թռչող սարքերի անկում տասը տեղանքում, ինչպես նաև անօդաչուների բեկորների անկում ութ վայրերում։
Կիևի մարզի Բուչայի շրջանում հարձակման հետևանքով մասնավոր հատվածում հրդեհներ են գրանցվել, տներ են վնասվել, երեք մարդ վիրավորվել է: Մարզային վարչակազմի ղեկավար Նիկոլայ Կալաշնիկի տվյալներով՝ տուժել են 16, 56 եւ 80 տարեկան կանայք:
Սումիում ոչ բնակելի շենքեր, խանութ և մեքենա է վնասվել: Ռազմական վարչակազմի ղեկավար Օլեգ Գրիգորովը հայտնել է, որ 54-ամյա տղամարդ է վիրավորվել, բժիշկներն տեղում օգնություն են ցուցաբերել նրան։
Շոստկինսկի համայնքում վնասվել են մի քանի բազմահարկ շենքեր, ավտոմեքենաներ և սոցիալական ոլորտի օբյեկտներ: Վնասի չափերը պարզվում են:
Նիկոպոլի շրջանի Պոկրսկայա, Միրովսկայա և Մարգանեցի շրջաններում FPV տիպի անօդաչուների հարվածների և հրթիռակոծության հետևանքով հանրակացարան, երկու տնտեսական շինություն, երկու ավտոտնակ և ավտոմեքենա է վնասվել։ Երեք մասնավոր տուն քանդվել է, հաղորդել է Դնեպրոպետրովսկի մարզի ղեկավար Սերգեյ Լիսակը:
