05.11.2026 | 14:35
Ռումբի սպառնալիքի պատճառով Դուբլին-Հռոմ չվերթը վայրէջք է կատարել Ֆրանսիայում
Պուտինն ու Թրամփը պայմանավորվել են․ ԱՄՆ-ի համար ճանապարհն այնքան կարևոր չէ, որ ՌԴ-ի հետ կոնֆլիկտի գնա․ Արմեն Բադալյան․ ՏԵՍԱՆՅՈՒԹ
Քաղաքականություն
07.08.2025 | 19:00
Քաղտեխնոլոգ Արմեն Բադալյանի խոսքով՝ Դոնալդ Թրամփի խնդիրն է փակել բոլոր միջազգային կոնֆլիկտները, իշխանությունը փոխանցել փոխնախագահ Ջեյ Դի Վենսին և կենտրոնանալ Չինաստանի դեմ պայքարի վրա։ Նրա համոզմամբ՝ Հարավային Կովկասը այս պայքարում ԱՄՆ-ին պետք չէ, և տարածաշրջանից դուրս գալը Թրամփի ծրագրի մի մասն է։
«Թրամփը անձնական խնդիր ունի՝ իրեն պետք է խաղաղության PR քարոզարշավ, որպեսզի Նոբելյան մրցանակ ստանա։ Այս փաստաթղթի ստորագրումն իր համար ունի միայն PR նշանակություն։ Ալիևի համար սա հարթակ է՝ իր ցանկությունները ներկայացնելու այդ փաստաթղթում։ Իսկ
Փաշինյանը, չունենալով աշխարհաքաղաքական տանիք, հնարավորություն է ստանում հանդիպել Թրամփին և ասել՝ ես բերեցի այն խաղաղությունը, որի համար այդքան տուժել ենք»,- ասում է Բադալյանը։
Նրա կարծիքով՝ Թրամփի նախաձեռնած հանդիպումը լինելու է բացառապես հանրային կապերի ակցիա, և տարածաշրջանային անվտանգության առումով որևէ վճռորոշ նշանակություն չի ունենա։
Հարցազրույցն ամբողջությամբ՝ տեսանյութում։
Նարեկ Կիրակոսյան
