31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Պուտինը ԱՄԷ-ն անվանել է Թրամփի հետ հանդիպման հարմար վայրերից մեկը
Քաղաքականություն
07.08.2025 | 17:33
Ռուսաստանի նախագահ Վլադիմիր Պուտինը հայտարարել է, որ ԱՄՆ առաջնորդ Դոնալդ Թրամփի հետ հանդիպման հարմար վայրերից մեկը Արաբական Միացյալ Էմիրություններն է (ԱՄԷ): Դրանից կարճ ժամանակ առաջ նա բանակցություններ է վարել ԱՄԷ նախագահ Մոհամմեդ բին Զայեդ ալ Նահյանի հետ:
«Մենք շատ ընկերներ ունենք, ովքեր պատրաստ են օգնել մեզ կազմակերպել նման միջոցառում: Մեր ընկերներից մեկը ԱՄԷ-ի նախագահն է: Կարծում եմ՝ մենք կորոշենք, բայց սա բավականին հարմար վայրերից մեկը կլինի»,- լրագրողներին ասել է Վլադիմիր Պուտինը՝ Կրեմլում ԱՄԷ նախագահ Մոհամմեդ բին Զայեդ Ալ Նահյանի հետ բանակցություններից հետո, գրում է BBC-ի ռուսական ծառայությունը։
Ռուսաստանի նախագահը նաև ասել է, որ Ուկրաինայի նախագահ Վլադիմիր Զելենսկիի հետ իր հանդիպման համար պայմանների ստեղծումը դեռևս շատ հեռու է։
Ավելի վաղ Վլադիմիր Պուտինի օգնական Յուրի Ուշակովը հայտնել էր, որ Դոնալդ Թրամփի հատուկ ներկայացուցիչ Սթիվ Ուիթկոֆը Կրեմլում կայանալիք բանակցությունների ընթացքում Ռուսաստանի նախագահին առաջարկել է հանդիպում անցկացնել ոչ միայն Թրամփի, այլև Զելենսկիի հետ։
«Ինչ վերաբերում է եռակողմ հանդիպման տարբերակին, որը ինչ-ինչ պատճառներով քննարկվել է երեկ Վաշինգտոնում, այս տարբերակը պարզապես հիշատակվել է ամերիկացի ներկայացուցչի կողմից Կրեմլում կայացած հանդիպման ժամանակ։ Սակայն այս տարբերակը հատուկ չի քննարկվել։ Ռուսական կողմն այն ամբողջությամբ թողել է առանց մեկնաբանության»,- ասել է Ուշակովը։
Նա նաև հայտնել է, որ Պուտինի և Թրամփի հանդիպման վայրը համաձայնեցված է, և այն կհայտարարվի մի փոքր ավելի ուշ։
Թարգմանությունը՝ Էմմա Չոբանյանի
