09.08.2026 | 16:37
Վթարային ջրանջատում Կտայքում և Երևանում
ԱՄՆ-ում զինծառայողին մեղադրում են Abrams տանկի մասին տեղեկատվություն փոխանցելու փորձի մեջ՝ ՌԴ քաղաքացիություն ստանալու դիմաց
Քաղաքականություն
07.08.2025 | 15:11
Տեխասում 22-ամյա զինծառայող Թեյլոր Ադամ Լին կալանավորվել է M1A2 Abrams տանկի և դրա խոցելիությունների մասին Ռուսաստանին տեղեկատվություն փոխանցելու փորձի մեղադրանքով։ Այս մասին հայտնել է ԱՄՆ Արդարադատության նախարարությունը։ Ավելի վաղ Միացյալ Նահանգները նման տանկեր էր փոխանցել Ուկրաինային, գրում է Current time-ը։
Լին ԱՄՆ բանակի գործող զինծառայող է, ծառայում է Ֆորտ Բլիսում: Նա ունեցել է «Հույժ գաղտնի» և «Կոնֆիդենցիալ տեղեկատվություն » մակարդակի գաղտնի տեղեկատվության հասանելիություն: Հետաքննության տվյալներով՝ 2025 թվականի մայիսից մինչև օրս նա փորձել է տանկի մասին տեխնիկական տեղեկություններ փոխանցել Ռուսաստանին։
Հուլիսին Թեյլոր Ադամ Լին հանդիպել է մի անձի հետ, ում համարել է Ռուսաստանի իշխաանությունների ներկայացուցիչ, և նրան փոխանցել տվյալներով կրիչ, որը պարունակել է, մասնավորապես, փաստաթղթեր և տեղեկություններ M1A2 Abrams տանկի՝ ԱՄՆ զինված ուժերի կողմից օգտագործվող զրահապատ մարտական մեքենայի, ինչպես նաև մարտական գործողությունների մասին։ Այդ հանդիպման ժամանակ քննարկվել է M1A2 Abrams տանկի դետալի փոխանցման հարցը:
Հուլիսի 31-ին Լին այդ մասը տարել է Տեխասի Էլ Պասո քաղաքի պահեստ։ Այնուհետև նա հաղորդագրություն է ուղարկել մի անձի, որը, իր կարծիքով, Ռուսաստանի ներկայացուցիչ է. «Առաքելությունը կատարված է»:
ՀԴԲ հակահետախուզության փոխտնօրեն Ռոման Ռոժավսկիի խոսքով՝ զինծառայողը փորձել է փոխանցել ամերիկյան տանկերի խոցելիության մասին գաղտնի ռազմական տեղեկատվությունը՝ ռուսական քաղաքացիություն ստանալու դիմաց։
Թարգմանությունը՝ Էմմա Չոբանյանի
