12.01.2026 | 21:13
Ալիևը Հայաստանին մեղադրել է ժամանակին Ադրբեջանի դեմ իրականացված «ջրային ահաբեկչության» մեջ
ՌԴ զորքերը ԱԹՍ-ներով հարվածել են Դնեպրոպետրովսկի մարզին․ տուժածներ կան
Քաղաքականություն
07.08.2025 | 14:45
Ռուսական զորքերն օգոստոսի լույս 7-ի գիշերը անօդաչու թռչող սարքերով զանգվածային հարված են հասցրել Դնեպրոպետրովսկի մարզին։ Դնեպրում վիրավորվել է չորս մարդ։ Դնեպրոպետրովսկի մարզային ռազմական վարչակազմի ղեկավար Սերգեյ Լիսակը հայտնել է, որ 43-ամյա տղամարդը և 69-ամյա կինը հոսպիտալացվել են միջին ծանրության վիճակում, գրում է Current time-ը։
Նրա խոսքով՝ հարձակման հետևանքով հրդեհվել է վարչական շենքը և մեքենաներ (12 մեքենա ոչնչացվել է, ևս 17-ը՝ վնասվել)։ Բացի այդ, ավերվել է մեկ մասնավոր բնակելի շենք, վնասվել է ութ տուն։ Ավերածություններ կան նաև տրանսպորտային ձեռնարկության տարածքում։
Պավլոգրադում էլ հրդեհվել է ամառանոց և մեքենա, Կրիվոյ Ռոգի շրջանում՝ չօգտագործվող շենք, բուն Կրիվոյ Ռոգում՝ մոդուլային տուն, իսկ Սինելնիկովսկի շրջանում՝ լիցեյի տանիքը և չոր խոտը։
Լիսակի տվյալներով՝ գիշերը Դնեպրոպետրովսկի մարզում 33 անօդաչու թռչող սարք է խոցվել։
Թարգմանությունը՝ Էմմա Չոբանյանի
