Փաշինյանը Զելենսկու նման պիտի ասի՝ ոչ,«պայթեցնի» Սպիտակ տունը և դուրս գա, եթե հակահայ պայմանագիր առաջարկվի. Հրաչյա Արզումանյան. ՏԵՍԱՆՅՈՒԹ

«Ռուսաստանը թուլանում է և դուրս է գալու Հարավային Կովկասից, մենք պետք է հասկանանք՝ արդյո՞ք ԱՄՆ-ը մեզ տալու է անվտանգության երաշխիքներ, որ ՌԴ-ն գնալուց չի  «պայթեցնելու» Հայաստանը»,- Factor TV-ի հետ զրույցում նման հարցադրում է անում քաղաքական գիտությունների դոկտոր, ռազմական և ազգային անվտանգության հարցերով փորձագետ Հրաչյա Արզումանյանը՝ Փաշինյանի ԱՄՆ-ում կայանալիք հանդիպմանն ընդառաջ։
«Եթե ՌԴ-ն դուրս է գալիս և ԱՄՆ-ն հայտարարում է մտնել այդ տեղը, ինչպե՞ս է մտնում, որպես ԱՄՆ, Թուրքիայի՞ տեսքով, որպես ռազմական և ռազմավարական դաշնակից, թե՞ պատրաստվում են մտնել Ֆրանսիայով, Եվրոպայով»,-ասում է Հրաչյա Արզումանյանը։
Ըստ փորձագետի՝ Նիկոլ Փաշինյանը պետք է պատրաստ լինի Թրամփին ասել՝ ոչ, եթե Հայաստանի ազգային շահերին սպառնալիք պարունակող առաջարկներ լինեն։
«Նիկոլ Փաշինյանը մինչ այսօր նահանջում է, այս պարագայում կկարողանա՞ ասել՝ ոչ, եթե չկարողանա ասել ՝ ոչ, ապա անուղղակի կարող է սպառնալիքի տակ դնել իր իշխանությունն ու կյանքը, որովհետեև ազգային շահերի ոտնահարումն, ի վերջո, պայթում է, կապ չունի իր վերադարձից երկու օր հետո, թե երկու ամիս հետո, դա պայթելու է։ Փաշինյանը սա զգալու է որպես քաղաքական գործիչ, որ կան հարցեր, որոնք անցնել չի կարելի։
Այսօր քաղաքական հարաբերությունները ԱՄՆ-ի հետ շոուի նման են։ Փաշինյանը Թրամփի հետ պետք է խոսի որպես պոպուլիստ, պետք է պատրաստ լինի օգտագործել իր դերասանական ոճերը, որ կարողանա Թրամփի հետ նույն ալիքի վրա լինել։ Հույս ունեմ, որ Փաշինյանը այս խաղի համար կընտրի հայերեն լեզուն։ Այս քաղաքականությունը կարող է վճռական դեր խաղալ ՀՀ-ի համար։ Ստացվում է, որ երկու անկանխատեսելի քաղաքական գործիչները հանդիպում են, Փաշինյանը պետք է պատրաստ լինի Թրամփին ասել՝ ոչ։ Զելենսկի-Թրամփ հանդիպում է լինելու, պետք է պատրաստվես ամենավատ սցենարին, քանի որ Թրամփը սիրում է կանգնել ուժեղի կողքը, նա սիրում է ավտորիտարներին՝ Պուտինին, Էրդողանին։ Պետք է Զելենսկու նման ասես՝ ոչ, «պայթեցնես» Սպիտակ տունը և դուրս գաս․ այդ ժամանակ այլ պայմանագիր կնքելու հնարավորություն կլինի»,-ասում է նա։

Մանրամասները՝ տեսանյութում։
Նարեկ Կիրակոսյան