06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ալիևը ռևանշիզմի դեմ պայքարի կետ է պայմանագրում ներառել դիվանագիտական բառապաշարով, նախագծում տեսել եմ․ Քրիստինե Վարդանյան. ՏԵՍԱՆՅՈՒԹ
Քաղաքականություն
05.08.2025 | 20:00
«Ես կարծում եմ, որ չհաստատելով կամ չհերքելով հաստատում են․ եթե նման բան չլիներ` բոլորը կհերքեին»,- Factor TV-ի հետ զրույցում նման կարծիք է հայտնում ՀՀ ԱԺ «Հայաստան» խմբակցության պատգամավոր Քրիստինե Վարդանյանն՝ անդրադառնալով ԱՄՆ-ում Փաշինյան-Ալիև հնարավոր հանդիպման մասին տեղեկություններին։
«Հայաստան» խմբակցության պատգամավոր Քրիստինե Վարդանյանը մտահոգիչ է համարում ոչ թե Փաշինյան-Ալիև հանդիպման փաստը, այլ՝ բովանդակությունը։ Ըստ նրա՝ խնդրահարույց է, որ խաղաղության ստորագրվելիք փաստաղթղթից դուրս են մնացել գերիների ազատ արձակման, սահմանների հստակեցման և ճանապարհների ապաշրջափակման հարցերը։
«Հայկական կողմը չի կարողացել գործընթացի շրջանակներում առաջ տանել հայկական շահը, փոխարենը դա արել է Ադրբեջանը։ Հայտարարել են, որ գործընթացն ավարտված է, ու հիմա վեճ է գնում, թե որ երկրում դա կկապիտալիզացվի, որպեսզի այդ երկիրը ստանա խաղաղության հաստատման դափնիները»,-ասում է նա։
Ավելին՝ ընդդիմադիր պատգամավորը կարծում է, որ խաղաղության պայմանագրի նախագիծը, որի շուրջ կողմերը համաձայնության են եկել, պարունակում է Ալիևի պահանջները։
«Ալիևը ռևանշիզմի դեմ պայքարի կետ է պայմանագրի մեջ ներառել՝ դիվանագիտական բառապաշարով, նախագծում տեսել եմ»,-պնդում է նա։
Հարցազրույցն ամբողջությամբ՝ տեսանյութում։
Նարեկ Կիրակոսյան
