07.12.2025 | 10:38
Հարգանքի տուրք՝ 1988-ի դեկտեմբերի 7-ի երկրաշարժի զոհերի հիշատակին
Մոլդովական դատարանը Գագաուզիայի ղեկավար Եվգենիա Գուցուլին 7 տարվա ազատազրկման է դատապարտել
Քաղաքականություն
05.08.2025 | 19:09
Քիշնևի դատարանը Գագաուզիայի ինքնավար մարզի (Բաշկան) ղեկավար Եվգենիա Գուցուլին դատապարտել է 7 տարի ժամկետով ազատազրկման կիսափակ տիպի բանտում՝ քաղաքական կուսակցության անօրինական ֆինանսավորման գործով։ Այս մասին հաղորդում է տեղական NewsMaker-ը, գրում է Meduza-ն։
Նույն գործով Մոլդովայում արգելված ռուսամետ «Շոր» կուսակցության նախկին քարտուղար Սվետլանա Պոպանը դատապարտվել է 6 տարվա ազատազրկման։
Մեղադրանքի համաձայն՝ 2019-2022 թվականներին, երբ Գուցուլն աշխատել է որպես «Շոր» կուսակցության քարտուղար, Ռուսաստանից համակարգված կերպով Մոլդովա է ներմուծել գումար, որն այնուհետև օգտագործվել է կուսակցության կողմից։
Գագաուզիայի ինքնավարության ղեկավարը նաև մեղադրվում է որոշ կուսակցական գրասենյակների աշխատանքը համակարգելու և «Շորի» գործունեությունը ֆինանսավորելու համար «կազմակերպված հանցավոր խմբից դիտավորյալ գումար ստանալու» մեջ՝ ավելի քան 42,5 միլիոն լեյ (մոտ 2,5 միլիոն դոլար): Գուցուլն իրեն մեղավոր չի ճանաչում։
Մարտին Գուցուլը ձերբակալվել էր, ապա կալանավորվել, սակայն արդեն ապրիլին դատարանը նրա խափանման միջոցը փոխել էր տնային կալանքի։ Դատավճռի հրապարակումից հետո Գագաուզիայի ինքնավարության ղեկավարը կալանավորվել է դատարանում։
Մեղադրող կողմը Գուցուլի համար պահանջել է 9 տարվա ազատազրկում: Դատավճռի հրապարակումից առաջ նա հայտարարել է, որ ակնկալում է արդարացում: Գուցուլի կողմնակիցները հավաքվել են դատարանի շենքի դիմաց հանրահավաքի:
Մոլդովայի և ԵՄ իշխանությունները Եվգենիա Գուցուլին մեղադրել են Ռուսաստանի հետ կապեր ունենալու մեջ: Մարտին նրա կալանավորումից հետո Գուցուլը խնդրել էր Ռուսաստանի նախագահ Վլադիմիր Պուտինին ճնշում գործադրել Մոլդովայի վրա՝ իրեն ազատ արձակելու համար:
Թարգմանությունը՝ Էմմա Չոբանյանի
