09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ՌԴ ԱԳՆ-ն հայտարարել է, որ այլևս չի պահպանի միջին և փոքր հեռահարության հրթիռների տեղակայման մորատորիումը
Քաղաքականություն
05.08.2025 | 11:42
Ռուսաստանը հրաժարվում է միջին և փոքր հեռահարության հրթիռների տեղակայման սահմանափակման վերաբերյալ միակողմանի մորատորիումից։ Այս մասին ասվում է Ռուսաստանի ԱԳ նախարարության հայտարարության մեջ, գրում է Meduza-ն։
Նախարարությունն այս որոշումը բացատրել է «կոլեկտիվ Արևմուտքի» կողմից Ռուսաստանին հարակից շրջաններում «անկայունացնող հրթիռային ներուժի» կուտակմամբ։
ՌԴ ԱԳՆ-ն հայտարարել է, որ երկրի ղեկավարությունը կշարունակի քայլեր ձեռնարկել հրթիռների հնարավոր տեղակայման վերաբերյալ՝ «հիմնվելով ամերիկյան ու այլ արևմտյան միջին և փոքր հեռահարության հրթիռների տեղակայման վերլուծության վրա»։
Ռուսաստանի իշխանությունները հայտարարել էին միջին և փոքր հեռահարության հրթիռների տեղակայման միակողմանի մորատորիումի մասին՝ Միջին և փոքր հեռահարության հրթիռների պայմանագրի դադարեցումից հետո: Մոսկվան հայտարարել էր, որ հրթիռներ չի տեղադրի՝ մինչև ՆԱՏՕ-ն դա չանի:
Միևնույն ժամանակ, 2024 թվականին Ռուսաստանի արտաքին գործերի նախարարությունը պաշտոնապես հայտարարել էր, որ նման զենքի արտադրությունը կվերսկսվի։
2024 թվականի ամռանը, երբ Միացյալ Նահանգները հայտարարել էր Գերմանիայի տարածքում հեռահար զենքի «դրվագային» տեղակայման մասին, ՌԴ նախագահ Վլադիմիր Պուտինը սպառնացել էր, որ Ռուսաստանը կհրաժարվի մորատորիումից։
Թարգմանությունը՝ Էմմա Չոբանյանի
