06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Անկարան սպասում է, որ Պուտինի, Թրամփի և Զելենսկիի հանդիպումը Թուրքիայում տեղի կունենա «շուտով»
Քաղաքականություն
04.08.2025 | 22:58
Թուրք պաշտոնյաները սպասում են, որ Ռուսաստանի նախագահ Վլադիմիր Պուտինի, ԱՄՆ նախագահ Դոնալդ Թրամփի և Ուկրաինայի նախագահ Վլադիմիր Զելենսկիի հանդիպումը Թուրքիայում տեղի կունենա «շուտով», սակայն հստակ ժամանակացույց չեն նշել, ըստ թուրքական նախագահական աղբյուրների։
«Հստակ ժամկետ չկա։ Մենք ակնկալում ենք, որ դա շուտով կլինի, սակայն կոնկրետ ամսաթվեր չկան»,- ռուսական ՌԻԱ Նովոստիմ ասել է Թուրքիայի նախագահի աշխատակազմի պաշտոնյան, փոխանցում է Turkiye today-ը։
Հայտարարությունը հնչում է այն բանից հետո, երբ Կրեմլի խոսնակ Դմիտրի Պեսկովը հայտարարել էր, որ Թուրքիայում Պուտին-Թրամփ հանդիպման նախապատրաստական աշխատանքներ չեն տարվում։
Թուրքիայի արտգործնախարար Հաքան Ֆիդանը հայտարարել էր, որ Էրդողանը ցանկանում է արագացնել Պուտինի և Զելենսկիի միջև Ստամբուլում հնարավոր հանդիպման կազմակերպումը։
Թուրք պաշտոնյաները նաև վստահություն են հայտնել, որ Ուկրաինայի հակամարտության շուրջ բանակցությունները կպահպանեն իրենց ինտենսիվությունը՝ չնայած դրանք խափանելու փորձերին։
«Իհարկե, մենք ակնկալում ենք, որ դրանք կլինեն ինտենսիվ. թուրքական կողմը պարբերաբար կոչ է անում պահպանել երկխոսությունը»,- ասել է թուրքական վարչակազմի ներկայացուցիչը։
Պաշտոնյան հավելել է, որ այս բանակցությունները խափանելու փորձերը «միշտ կլինեն»։
Անկարան շարունակում է իրեն դիրքավորել որպես շարունակվող հակամարտության հնարավոր միջնորդ՝ ավելի վաղ հյուրընկալելով Ռուսաստանի և Ուկրաինայի պատվիրակությունների միջև բանակցությունները։
Թուրքիայի կառավարությունը հակամարտության ամբողջ ընթացքում պահպանում է դիվանագիտական հարաբերություններ ինչպես Մոսկվայի, այնպես էլ Կիևի հետ։
Թարգմանությունը՝ Էմմա Չոբանյանի
