06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Պուտինն ու Նեթանյահուն վերջին օրերին երկրորդ հեռախոսազրույցն են ունեցել
Քաղաքականություն
04.08.2025 | 22:44
Ռուսաստանի նախագահ Վլադիմիր Պուտինը հեռախոսազրույց է ունեցել Իսրայելի վարչապետ Բենիամին Նեթանյահուի հետ։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը։
Նախորդ անգամ Ռուսաստանի նախագահը և Իսրայելի վարչապետը հեռախոսազրույց էին ունեցել մեկ շաբաթ առաջ՝ հուլիսի 28-ին։
Այն ժամանակ, Կրեմլի հաղորդագրության համաձայն, նրանք քննարկել են Մերձավոր Արևելքում տիրող իրավիճակը, Սիրիայում ստեղծված իրավիճակը և Իրանի ու Իսրայելի միջև հակամարտությունը։ Պուտինը հայտարարել էր Սիրիայի ինքնիշխանությունն ու տարածքային ամբողջականությունը սատարելու անհրաժեշտության մասին և հաստատել Ռուսաստանի պատրաստակամությունը «անել հնարավոր ամեն ինչ՝ իրանական միջուկային ծրագրի բանակցային լուծում գտնելու համար»։
Դրանից առաջ Պուտինն ու Նեթանյահուն հեռախոսազրույց էին ունեցել հունիսի 13-ին։ Զրույցը տեղի էր ունեցել Մերձավոր Արևելքում իրավիճակի վատթարացման ֆոնին՝ Իսրայելի կողմից Իրանի միջուկային օբյեկտների վրա հարձակումից հետո։
Նույն օրը Ռուսաստանի նախագահը զրուցել էր իր իրանցի գործընկեր Մասուդ Փեզեշքիանի հետ և հայտարարել հակամարտության կարգավորմանը նպաստելու իր պատրաստակամության մասին: Սակայն Կրեմլն ավելի ուշ նշել էր Իսրայելի դժկամությունը միջնորդական ծառայությունները ընդունելու հարցում:
Թարգմանությունը՝ Էմմա Չոբանյանի
