29.04.2026 | 09:07
Հայաստանն ու Վրաստանը կհյուրընկալեն ֆուտբոլի աշխարհի երիտասարդական առաջնությունը
Ադրբեջանի ՊՆ-ն արձագանքել է Սյունիքում էքսկավատորի ուղղությամբ կրակ բացելու մասին ՀՀ ՊՆ հայտարարությանը
Քաղաքականություն
04.08.2025 | 19:18
Ադրբեջանի ՊՆ-ն արձագանքել է ՀՀ Պաշտպանության նախարարության հաղորդագրությանը, որ ադրբեջանական ուժերը կրակ են բացել Սյունիքում միջդիրքային ճանապարհների կառուցման աշխատանքներ իրականացնող էքսկավատորի ուղղությամբ։
«ՀՀ պաշտպանության նախարարության կողմից տարածված տեղեկատվությունը, թե օգոստոսի 4-ին, տեղական ժամանակով մոտավորապես ժամը 13:10-ին, ադրբեջանական բանակի ստորաբաժանումները, իբր, կրակ են բացել Սյունիքի մարզում մարտական դիրքերի միջև ճանապարհային աշխատանքներ կատարող էքսկավատորի վրա, իրականությանը չի համապատասխանում»,- ասվում է Ադրբեջանի ՊՆ հաղորդագրության մեջ՝ առանց ապացույցներ ներկայացնելու։
Հիշեցնենք՝ ՀՀ ՊՆ-ն հայտնել էր, որ օգոստոսի 4-ին՝ ժամը 13:10-ի սահմաններում, Ադրբեջանի ԶՈՒ ստորաբաժանումները կրակ են բացել Սյունիքի մարզի Վերիշեն բնակավայրից 4500 մետր հյուսիս-արևելք ընկած հատվածում միջդիրքային ճանապարհների կառուցման աշխատանքներ իրականացնող էքսկավատորի ուղղությամբ, տուժածներ չկան։
«Ադրբեջանական կողմին կոչ ենք անում հետաքննել կրակոցի փաստը և հանդես գալ հրապարակային պարզաբանումներով»,- ասված է հաղորդագրության մեջ, որից կից ՀՀ ՊՆ-ն նաև լուսանկարներ է հրապարակել։
Թարգմանությունը՝ Էմմա Չոբանյանի
