06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Վարչապետի աշխատակազմը` ԱՄՆ-ում Փաշինյան-Ալիև սպասվող հանդիպման տեղեկությունների մասին
Քաղաքականություն
04.08.2025 | 17:05
Վարչապետ Փաշինյանի ԱՄՆ կատարելիք այցի մասին մամուլում և սոցիալական ցանցերում շրջանառվող տեղեկատվությունն այս պահին չենք կարող ո՛չ հերքել, ո՛չ հաստատել։ Այս մասին Factor.am-ի հարցին ի պատասխան հայտնեցին վարչապետի աշխատակազմից։
«Նման այցերի պարագայում, բնականաբար, լինում է պաշտոնական հաղորդագրություն, և տեղեկատվությունը հաստատված կարելի է համարել պաշտոնական հաղորդագրության պարագայում։ Այս պահին, ինչպես գիտեք, պաշտոնական որևէ հաղորդագրություն չենք հրապարակել և, հետևաբար, այցի մասին տեղեկատվությունը խնդրում ենք հաստատված համարել միայն պաշտոնական հաղորդագրությունից հետո»,- փոխանցեցին աշխատակազմից։
Հիշեցնենք` Վաշինգտոնում բնակվող ադրբեջանական «Թուրան» գործակալության նախկին թղթակից Ալեքս Ռաուֆօղլուն հայտարարել էր, որ Հայաստանն ու Ադրբեջանը պատրաստ են այս շաբաթվա վերջին Վաշինգտոնում հայտարարել խաղաղության իրենց մտադրության մասին։
Նարեկ Կիրակոսյան
