17.05.2026 | 21:47
Ըմբիշ Ավետիք Թութխալյանը դարձել է Մ-17 ԵԱ բրոնզե մեդալակիր
ՆԳՆ շրջիկ սպասարկման գրասենյակները ծառայություններ կմատուցեն Շիրակի և Արագածոտնի մարզերում
04.08.2025 | 22:23
ՆԳՆ շրջիկ սպասարկման գրասենյակները օգոստոսի 7-ին ծառայություններ կմատուցեն Շիրակի և Արագածոտնի մարզերում։ Այս մասին հայտնում է ՀՀ ներքին գործերի նախարարությունը։
Սպասարկման գրասենյակներն իրականացնում են շրջիկ սպասարկում՝ քաղաքացիներին մատուցելով և՛ միգրացիայի և քաղաքացիության ծառայության, և՛ հաշվառման-քննական բաժինների ծառայություններ։
«ՆԳ նախարարի հրամանի համաձայն՝ օգոստոսի 7-ին ժամը 11:00-16:00 ծառայություններ կմատուցվեն Շիրակի մարզի Անի համայնքում՝ համայնքապետարանի հարևանությամբ։ Նույն օրը ժամը 10:30-16:00 շրջիկ սպասարկման գրասենյակները ծառայություններ կմատուցեն Արագածոտնի մարզի Արագած բնակավայրում՝ վարչական ղեկավարի գրասենյակի հարևանությամբ։
Շրջիկ սպասարկման շրջանակում քաղաքացիները կարող են փոխանակել անձնագիրը, ստանալ ժամանակավոր պաշտպանության վկայական, տեղեկանքներ, իսկ ԼՂ-ից տեղահանված անձինք ՀՀ քաղաքացիություն ստանալու համար կարող են տեղում դիմումներ ներկայացնել։
Վարորդական իրավունքի ու սեփականության վկայականների, հաշվառման վկայագրի փոխանակման կամ կորստի դեպքում քաղաքացիները մոտենալով շրջիկ գրասենյակ` կարող են նորը ստանալ, օգտվել նաև հաշվառման-քննական բաժինների կողմից մատուցվող այլ ծառայություններից։
Օգոստոսի 7-ին շրջիկ սպասարկման գրասենյակները կլինեն նաև Կոտայքի մարզի Գառնի և Գեղարքունիքի մարզի Ճամբարակ համայքներում՝ հուլիսի 31-ին ընդունված դիմումների շրջանակներում փաստաթղթերը հանձնելու նպատակով»,- ասված է հաղորդագրության մեջ։
