07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Ռուսական զորքերը հարվածել են Օդեսայի ռադիոշուկային, այրվել են տասնյակ առևտրային տաղավարներ
Քաղաքականություն
04.08.2025 | 12:45
ՌԴ զորքերն օգոստոսի լույս 4-ի գիշերը հարձակվել են Ուկրաինայի վրա հրթիռներով, անօդաչու թռչող սարքերով և կառավարվող ավիառումբերով։ Այս մասին հայտնում են Ուկրաինայի ռազմաօդային ուժերը, գրում է Current time-ը։
Օդեսայում, ըստ Ուկրաինայի արտակարգ իրավիճակների պետական ծառայության, ռադիոշուկային հարվածի հետևանքով հրդեհ է բռնկվել։ Այն ոչնչացրել է տասնյակ առևտրային տաղավարներ, որտեղ էլեկտրոնիկա և կենցաղային տեխնիկա է եղել: Մեծածավալ հրդեհ է բռնկվել նաև չգործող հանրակացարանում։ Օդեսայի մարզում վնասվել է մասնավոր տուն, որի սեփականատերը սեփական ուժերով մարել է հրդեհը։
Բացի այդ, առավոտյան ռուսական զորքերը հրետանուց կրակ են բացել Խերսոնի շրջանի Անտոնովկա գյուղի վրա, որի հետևանքով մեկ մարդ է զոհվել։
Նիկոպոլի շրջանում էլ Նիկոպոլ, Մարգանեցկայա, Միրովսկայա և Պոկրովսկայա համայնքները ենթարկվել են հրետակոծության, հայտնել է Դնեպրոպետրովսկի մարզային ռազմական վարչակազմի ղեկավար Սերգեյ Լիսակը։ Նրա խոսքով՝ վիրավորվել է երեք մարդ, այդ թվում՝ չորս ամսական աղջիկ։ Նրա վիճակը ծանր է։ Երկու կին հոսպիտալացվել է միջին ծանրության վիճակում։
Մարգանեց քաղաքում վնասվել է տրանսպորտային ընկերություն։
Թարգմանությունը՝ Էմմա Չոբանյանի
