12.09.2026 | 16:00
Ֆրանսիան փորձում է հասնել Ալիշեր Ուսմանովի նկատմամբ ԵՄ պատժամիջոցների վերացմանը
Հայաստան-Վրաստան սահմանին զբոսաշրջային հերթեր են. Պապոյան․ ՏԵՍԱՆՅՈՒԹ
Տեսանյութեր
02.08.2025 | 22:01
Հայաստան-Վրաստան սահմանին զբոսաշրջային հերթեր են։ Այս մասին ֆեյսբուքյան իր էջում գրել է Էկոնոմիկայի նախարար Գևորգ Պապոյանը։
«Հա ժողովուրդ ջան, եթե ուզում ենք ունենալ շատ զբոսաշրջիկներ, ի թիվս այլ քայլերի, պետք է ոչ թե 10 տարին մեկ Հայաստան գան համաշխարհային աստղեր, այլ տարին մի քանի անգամ։ Ու հա, համաշխարհային աստղերն էլ մի քանի միլիոն դոլարով են ելույթ ունենում»,- գրել է Պապոյանը։
Նշենք, որ վաղը ժամը 20:00-ին Վազգեն Սարգսյանի անվան Հանրապետական մարզադաշտում կկայանա աշխարհահռչակ երգչուհի Ջենիֆեր Լոպեսի համերգը։ Ըստ «Դոպինգ Սփեյս» ընկերության, որը զբաղվում է մենահամերգի կազմակերպմամբ՝ Ջենիֆեր Լոպեսի երևանյան մենահամերգին միայն արտերկրից 15 հազար երկրպագու կմասնակցի:
Ավելի վաղ տեղեկացրել էինք, որ Լոպեսը Հայաստանում համերգով հանդես կգա Սնուփ Դոգի փոխարեն։ Կառավարությունն նիստում չզեկուցվող հարցերի շարքում հաստատվել է «Համաշխարհային աստղի հայաստանյան հյուրախաղեր» նախագծում «Snoop Dogg» բառերը «Ջենիֆեր Լոպես» բառերով փոխարինելու որոշումը։
