22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Ինդոնեզիայում հրաբուխ է ժայթքել
Քաղաքականություն
02.08.2025 | 15:17
Ինդոնեզիայի ակտիվ հրաբուխներից մեկը՝ Լևոտոբի Լակի-Լակի հրաբուխը, երկրորդ օրն անընդմեջ ժայթքել է։ Այս մասին հայտնում է Associated Press-ը:
Ըստ գործակալության՝ շաբաթ օրը վաղ առավոտյան տեղի է ունեցել հրաբուխի երկրորդ ժայթքումը, որի ժամանակ մոխիրը և հրաբխային ծագման նյութերը հասել են 18 կմ բարձրության։ Զոհերի մասին տեղեկություններ չկան
Ուրբաթ երեկոյան մեկ այլ ժայթքում էր գրանցվել և մոխրի սյունը բարձրացել էր մինչև 10 կիլոմետր։ Երկու ժայթքումներն էլ տեղի են ունեցել հինգ ժամից էլ պակաս ժամանակում։
Գործակալությունը հայտնել է, որ լավան նետվել է խառնարանից մինչև 8 կիլոմետր հեռավորության վրա՝ մոտակա գյուղերն ու քաղաքները ծածկելով խիտ հրաբխային մնացորդներով:
Շաբաթ օրը Ինդոնեզիայում տեղի ունեցած ժայթքումը ամենաուժեղներից էր 2010 թվականից ի վեր։ Այդ տարի երկրի ամենաակտիվ հրաբուխը՝ Մերապի լեռը, ժայթքեց խիտ բնակեցված Ջավա կղզում՝ ավելի քան 350 մարդու կյանք խլելով։
