07.09.2026 | 17:24
Ուիթքոֆի և Քուշների մասնակցությամբ բանակցությունները՝ «քայլ դեպի խաղաղություն»․ Կրեմլ
Հայաստանը հետևողականորեն հետամուտ է համապարփակ բարեփոխումների իրականացմանը. ՀՀ նախագահը՝ «Save Armenia»-ի պատվիրակությանը
Քաղաքականություն
01.08.2025 | 21:31
Հանրապետության նախագահ Վահագն Խաչատուրյանն այսօր ընդունել է «Save Armenia» հուդայա-քրիստոնեական միության պատվիրակությանը։ Այս մասին տեղեկացնում են նախագահի աշխատակազմից։
«Նախագահ Խաչատուրյանը ողջունել է պատվիրակության այցը Հայաստան՝ նշելով, որ նման հանդիպումները լավ հնարավորություն են միմյանց ճանաչելու, ինչպես նաև երկու ժողովուրդների միջև առկա բարեկամական կապերն ու փոխադարձ ըմբռնումն առավել ամրապնդելու համար։
Զրուցակիցներին ներկայացնելով Հայաստանի քաղաքական և տնտեսական կյանքում վերջին տարիներին իրականացված ժողովրդավարական բարեփոխումները՝ Հանրապետության նախագահը շեշտել է ժողովրդավարական ինստիտուտների ամրապնդման ուղղությամբ ձեռնարկված քայլերը։
Նախագահ Խաչատուրյանի խոսքով՝ Հայաստանը հետևողականորեն հետամուտ է համապարփակ բարեփոխումների իրականացմանը՝ նպատակ ունենալով զարգացնել ժողովրդավարական հաստատությունները, խթանել տնտեսության աճը և կյանքի կոչել նորարարական գաղափարներ։
Անդրադառնալով հայ-ամերիկյան հարաբերություններին՝ Վահագն Խաչատուրյանը նշել է, որ երկկողմ կապերն ունեն հստակ և դրական զարգացում, և ընդգծել է վստահությունն առ այն, որ այդ միտումը կլինի շարունակական»,- ասված է հաղորդագրությունում։
