16.07.2026 | 19:00
Ճանաչում ենք Փաշինյանի ապագա կառավարությունը որպես ՀՀ-ի փաստացի կառավարություն, բայց լեգիտիմ չէ․ Արթուր Խաչատրյան․ ՏԵՍԱՆՅՈՒԹ
Ուկրաինան պատրաստ է ՌԴ-ի հետ առաջնորդների մակարդակով բանակցությունների․ Զելենսկի
Քաղաքականություն
01.08.2025 | 17:54
Ուկրաինան Ռուսաստանին առաջարկում է կազմակերպել երկու պետությունների ղեկավարների հանդիպում հակամարտությունը դադարեցնելու համար՝ հայտարարություններ փոխանակելու և «տեխնիկական մակարդակով» բանակցությունների փոխարեն: Այս մասին հայտարարել է Ուկրաինայի նախագահ Վլադիմիր Զելենսկին իր Տելեգրամ ալիքում:
«Ամերիկան դա առաջարկել է: Ուկրաինան աջակցել է: Անհրաժեշտ է Ռուսաստանի պատրաստակամությունը»,- նշել է նա:
Ըստ Զելենսկիի՝ Կիևն աջակցում է ԱՄՆ նախագահ Դոնալդ Թրամփի ջանքերին՝ պատերազմը դադարեցնելու և «արժանապատիվ և երկարատև խաղաղության» հասնելու համար: Նա նաև շնորհակալություն է հայտնել բոլոր այն երկրներին, որոնք նպաստում են խաղաղության հաստատմանը:
«Մենք Ռուսաստանից հայտարարություններ ենք լսում, և եթե սա պատերազմն արժանապատվորեն ավարտելու և իսկապես երկարատև խաղաղություն հաստատելու նրանց լուրջ պատրաստակամության ազդանշան է, այլ ոչ թե պարզապես պատերազմի համար ավելի շատ ժամանակ շահելու և պատժամիջոցների հետաձգման փորձ, ապա Ուկրաինան կրկին հաստատում է իր պատրաստակամությունը՝ ցանկացած պահի հանդիպելու առաջնորդների մակարդակով»,- նշել է Ուկրաինայի ղեկավարը:
