06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
«Հիասթափություններն առաջանում են չափազանցված ակնկալիքներից»․ Պուտինը պատասխանել է Թրամփի վերջնագրին
Քաղաքականություն
01.08.2025 | 16:59
ՌԴ նախագահ Վլադիմիր Պուտինը հայտարարել է, թե «բոլոր հիասթափություններն առաջանում են չափազանցված ակնկալիքներից»։ Կրեմլի ղեկավարն այսպես է մեկնաբանել ԱՄՆ նախագահ Դոնալդ Թրամփի հայտարարությունն այն մասի, որ հիասթափված է Պուտինից և հուլիսի 29-ից 10-օրյա ժամկետ է տվել Ռուսաստանին՝ Ուկրաինայում հրադադարի համար, գրում է Current time-ը։
«Ինչ վերաբերում է ցանկացած մեկի կողմից որևէ հիասթափությանը, բոլոր հիասթափություններն առաջանում են չափազանցված ակնկալիքներից։ Սա հայտնի ընդհանուր կանոն է։ Բայց հարցի լուծմանը խաղաղ ճանապարհով մոտենալու համար մանրակրկիտ բանակցություններ են անհրաժեշտ։ Եվ ոչ թե հրապարակայնորեն, այլ հանգիստ, բանակցային գործընթացի լռության մեջ»,- ասել է Պուտինը։
Նա հավելել է՝ այդ պատճառով է ռուսական կողմն առաջարկել ստեղծել բանակցությունների երեք խումբ, որոնք կարող են աշխատել առցանց։
«Մենք համաձայնեցինք, որ կարող ենք նման բանակցություններ վարել տեսախցիկից դուրս, առանց որևէ քաղաքական աղմուկի, հանգիստ ռեժիմով և փոխզիջումներ փնտրել։ Աշխատանքը դեռ չի սկսվել»,- ասել է նա՝ հավելելով, որ ռուսական իշխանություններին «թվացել է», որ, «ընդհանուր առմամբ, ուկրաինական կողմի առաջին արձագանքը դրական էր»։
Պուտինը շեշտել է՝ Ռուսաստանը կարող է սպասել բանակցությունների հարցում։ Ընթացիկ բանակցությունները նա գնահատել է «ընդհանուր առմամբ դրական», իսկ Ռուսաստանի նպատակները «մնում են նույնը»։
