06.11.2026 | 13:43
Հայաստանն ու Մեծ Բրիտանիան ստորագրել են պաշտպանության ոլորտում համագործակցության 2026-2027 թվականների ծրագիրը
Կամչատկայում 5,8 մագնիտուդով հերթական հետցնցումն է գրանցվել
Քաղաքականություն
01.08.2025 | 15:59
Կամչատկայում Մոսկվայի ժամանակով 13:58-ին տարածաշրջանային մայրաքաղաքից 279 կիլոմետր հեռավորության վրա 5,8 մագնիտուդով հետցնցում է գրանցվել։ Այս մասին հայտնել է Ռուսաստանի Գիտությունների ակադեմիայի Միասնական երկրաֆիզիկական ծառայության Կամչատկայի մասնաճյուղը, փոխանցում է ՌԻԱ Նովոստին։
«Հեռավորությունը Պետրոպավլովսկ-Կամչատկսկիից՝ 279։ Խորությունը՝ 21,3 կմ։ Մագնիտուդը՝ 5,8»,- ասվում է հաղորդագրության մեջ։
Ավելի վաղ Ռուսաստանի Գիտությունների ակադեմիայի Միասնական երկրաֆիզիկական ծառայության Կամչատկայի մասնաճյուղի տնօրեն Դանիլա Չեբրովն ասել էր, որ Կամչատկայում տեղի ունեցած հզոր երկրաշարժից հետո սպասվում են ուժեղ, բայց ոչ ավերիչ հետցնցումներ։
Արտակարգ իրավիճակների նախարարության գլխավոր վարչության մամուլի ծառայությունը ուրբաթ հայտնել է, որ Կամչատկայում տեղի ունեցած ուժեղ երկրաշարժից հետո վերջին 24 ժամվա ընթացքում գրանցվել է մոտ 120 հետցնցում՝ 3,5-ից մինչև 6,7 մագնիտուդով, որոնցից մի քանիսը զգացվել են 2-ից 5 բալ ուժգնությամբ։
Հուլիսի 30-ին Կամչատկայում տեղի ունեցավ 1952 թվականից ի վեր ամենաուժեղ երկրաշարժը՝ 8,8 մագնիտուդով։ Ցունամիի մասին նախազգուշացում հայտարարվեց, որը երեկոյան չեղարկվեց։
