12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Բաքվի դատարանն արտերկրում բնակվող Ալիևի քննադատ ադրբեջանցի բլոգերին հեռակա դատապարտել է 16 տարվա ազատազրկման
Քաղաքականություն
30.07.2025 | 23:16
Ադրբեջանցի ընդդիմադիր բլոգեր Գաբիլ Մամեդովի դեմ հարուցված քրեական գործով վերջին դատական նիստն է տեղի ունեցել։ Նա մեղադրվում է Ադրբեջանի քրեական օրենսգրքի 24 հոդվածներով։ Ադրբեջանական լրատվամիջոցների հաղորդմամբ՝ այսօր Բաքվի ծանր հանցագործությունների դատարանը, դատավոր Էլնուր Նուրիևի նախագահությամբ, ընթերցել է դատավճիռը։
Մամեդովը հեռակա դատապարտվել է 16 տարվա ազատազրկման։
Գերմանիայում բնակվող Գաբիլ Մամեդովը հայտնի է իր YouTube-յան ալիքում Ադրբեջանի նախագահ Իլհամ Ալիևի, իշխանությունների դեմ կոշտ հայտարարություններով։ Մամեդովին մեղադրանք է առաջադրվել անձանց կեղծ խոստումներ տալու միջոցով կատարված խարդախության, սպառնալիքներով շորթման, ահաբեկչության, պետական պաշտոնյային դիմադրելու, հասարակական կարգի խախտման հանգեցրած գործողություններ կազմակերպելու և Քրեական օրենսգրքի այլ հոդվածներով։
Արտերկրում բնակվելու հիմքով նրա դեմ մեղադրանք առաջադրելու անհնարինության պատճառով այս տարվա հունվարին Բինագադիի շրջանային դատարանը որոշում էր կայացրել նրա հեռակա ձերբակալման մասին։
Հավելենք, որ օրերս էլ արտերկրում բնակվող մեկ այլ բլոգեր Իմամեդդին Ալիմանովի քրեական գործով վերջին դատավարությունն է տեղի ունեցել։ Բաքվի ծանր հանցագործությունների դատարանը նրան հեռակա կարգով դատապարտվել է 7 տարվա ազատազրկման։
Թարգմանությունը՝ Էմմա Չոբանյանի
