31.07.2026 | 11:11
Ուկրաինան կրկին հարձակվել է Wildberries-ի վրա․ հարվածներ են հասցվել Վոլգոգրադի և Թաթարստանի պահեստներին
Կամչատկայում երկրաշարժից հետո հրաբուխ է ժայթքել․ ՏԵՍԱՆՅՈՒԹ
Քաղաքականություն
30.07.2025 | 21:09
Կամչատկայում ժայթքում է Կլյուչևսկայա Սոպկա հրաբուխը։ Այս մասին հայտնել է Ռուսաստանի գիտությունների ակադեմիայի միասնական երկրաֆիզիկական ծառայության տեղական մասնաճյուղը, գրում է Meduza-ն։
Մասնագետների տվյալներով՝ արևմտյան լանջով հոսում է տաք լավա, հրաբխի վերևում նկատվել է հզոր փայլ, տեղի են ունենում պայթյուններ։ Վերջին օրերին Կլյուչևսկայա Սոպկա հրաբուխն ավելի ակտիվ է դարձել, խառնարանում մոխրի արտանետումներ են սկսվել, իսկ գիշերը խառնարանի վերևում հզոր փայլ է նկատվել: Հուլիսի 30-ի ցերեկը հրաբուխը մոխիր է արտանետել մինչև երեք կիլոմետր բարձրության վրա։
Ռուսաստանի գիտությունների ակադեմիայի Հեռավոր Արևելքի մասնաճյուղի հրաբխագիտության և սեյսմոլոգիայի ինստիտուտը հուլիսի 19-ին հրապարակել է հրաբխի լուսանկարը: Լուսանկարում երևում է հրաբխի վերևում ձևավորված ոսպնյակաձև ամպ, որը լուսավորված է խառնարանում առկա լավայով:
Կլյուչևսկայա Սոպկա հրաբխի ժայթքումը սկսվել է Կամչատկայում տեղի ունեցած ուժեղ երկրաշարժից հետո: Ցնցումների մագնիտուդը, տարբեր գնահատականներով, կազմել է 8,7 կամ 8,8: Երկրաշարժի պատճառով Ռուսաստանում և աշխարհի շատ այլ երկրներում հայտարարվել է ցունամիի սպառնալիք:
Թարգմանությունը՝ Էմմա Չոբանյանի
