21.06.2026 | 17:14
Իրանը ներկայացրել է իր ակնկալիքները ԱՄՆ-ի հետ Շվեյացարիայում կայանալիք բանակցություններից
Հուսով ենք՝ ՀՀ-ն և Ադրբեջանը գիտակցում են ՆԱՏՕ-ի հետ գործակցությունը խորացնելու ռիսկերը․ Զախարովա
Քաղաքականություն
30.07.2025 | 16:59
ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցում անդրադարձել է ադրբեջանական լրատվամիջոցներում այն հայտարարություններին, որ Ադրբեջանը պետք է մերձենա ՆԱՏՕ-ի հետ։
Նա նշել է, որ ՆԱՏՕ-ն արդեն մի քանի տարի փորձում է ամրապնդվել Հարավային Կովկասում, և որ դաշինքի նպատակն է՝ օգտագործել տարածաշրջանի երկրների ներուժն ու ռեսուրսները կոլեկտիվ Արևմուտքի շահերից ելնելով, հատկապես, Ռուսաստանի հետ աշխարհաքաղաքական դիմակայության համատեքստում։
«Նրանց հետխորհրդային տարածքում հավասար հարաբերություններ պետք չեն, նրանց պետք է ռեսուրսներ վերցնել, երկրներին միմյանց դեմ հանել, ամեն ինչ կրակի մատնել և իրենց պահել որպես տիպիկ գաղութարարներ, իմպերիալիստներ։ Հույս ունենք, որ տարածաշրջանի երկրները, այդ թվում՝ Հայաստանն ու Ադրբեջանը, գիտակցում են իրավիճակը սրելու, ՆԱՏՕ-ի հետ փոխգործակցությունը խորացնելու ռիսկերը։ Բոլորը գիտեն, թե ինչով է սա ավարտվում»,- ասել է ՌԴ ԱԳՆ ներկայացուցիչը։
Ըստ ռուսաստանցի պաշտոնյայի՝ որտեղ դաշինքը հայտնվում է, այնտեղ պարտադրվում է առճակատում, լարվածությունն աճում է, և որ ՆԱՏՕ-ն որևէ լավ բան չի բերում Հարավային Կովկասի անվտանգության համար։
Թարգմանությունը՝ Էմմա Չոբանյանի
