06.11.2026 | 17:17
Գազը մինչև մարտ չի կարող թանկանալ. Մեսրոպ Մեսրոպյան․ ՏԵՍԱՆՅՈՒԹ
Երևանի երիտասարդական նվագախումբը Հայաստանը կներկայացնի Բեռլինում
Մշակույթ
29.07.2025 | 22:52
Երևանի երիտասարդական նվագախումբը oգոստոսի 2-ին պատրաստվում է ներկայացնել մեր երկիրը միջազգային ամենահեղինակավոր երաժշտական հարթակներից մեկում՝ «Երիտասարդ եվրոպական դասականներ» փառատոնում, Բեռլինում, սոցցանցի իր էջում գրել է Երևանի քաղաքապետ Տիգրան Ավինյանը։
«Երևանի երիտասարդական նվագախումբը մեր ամենակարևոր նախաձեռնություններից է։ Այս երիտասարդներն արդեն իսկ նվագում են Հայաստանի լավագույն բեմերում։ ։ Օգոստոսի 2-ին նրանք պատրաստվում են ներկայացնել մեր քաղաքն ու երկիրը միջազգային ամենահեղինակավոր երաժշտական հարթակներից մեկում՝ «Երիտասարդ եվրոպական դասականներ» փառատոնում, Բեռլինում։
Բեռլին մեկնելուց առաջ, նվագախումբը ներկայացավ նույն ծրագրով՝ երևանյան հանդիսատեսի համար, Սերգեյ Սմբատյանի գլխավորությամբ։ Նվագախումբը լավ օրինակ է՝ թե ինչ արդյունք է լինում, երբ քաղաքը ներդրում է անում կրթության, մշակույթի և երեխաների զարգացման մեջ։ Այս երիտասարդներն արդեն դարձել են Երևանի ներկայացուցիչները՝ իրենց տաղանդով և արվեստով»,- գրել է Ավինյանը։
