20.08.2026 | 23:01
«Նոան» նոր գլխավոր մարզիչ ունի
Ինչ կտա Հայաստանին ճանապարհների ապաշրջափակումը և Միջին միջանցքին միանալը․ զրույց Հայկազ Ֆանյանի հետ․ ՏԵՍԱՆՅՈՒԹ
Քաղաքականություն
29.07.2025 | 20:00
«ՀՀ-ն պետք է ձգտի ԱՄՆ-ից վարձակալման ծրագրից ավելի լավ առաջարկ ստանալ, բայց եթե կա վտանգ գլոբալ կոմունիկացիաներից դուրս մնալու, պետք է համաձայնվի վարձակալման առաջարկին։ ՀՀ-ն, ԱՄՆ-ն և Ադրբեջանը ուզում են կոմունիկացիաների բացում, խնդիրը՝ ձևաչափն է, մեր բանակցային դիրքն ամուրն է։ ԱՄՆ-ի խնդիրը Մեղրիի ճանապարհին հսկողություն ունենալն է։ Եթե Թուրքիա-ՀՀ երկաթուղին չբացվի՝ Մեղրիի ճանապարհի բացումն անօգուտ կլինի։ Եթե ՀՀ-Ադրբեջան պայմանագիր կնքվի, Թուրքիան կբացի սահմանը, Ալիևին չնեղացնելն է փակ պահելու միակ մոտիվը»,- Factor TV-ի հետ զրույցում ասում է տնտեսագետ, ACSES վերլուծական կենտրոնի ղեկավար Հայկազ Ֆանյանը։
Ըստ նրա՝ Հայաստանը պետք է ապաշրջափակումը դիտարկի որպես պետական անվտանգության ապահովման կարևոր գործիք․ «ՀՀ-ի դեմ պատերազմը ձեռնտու չի լինի շատերին, եթե մեր երկրի տնտեսական դերը բարձրանա․ սահմանի բացումը անվտանգային բաղադրիչ ունի։ Ադրբեջանը 7 անգամ ավելի կմտածի ԱՄՆ-ի վերահսկած ճանապարհի վրա հարձակվելուց առաջ․ անվտանգությունը միայն զենքը չէ»։ Տնտեսագետը խոսել է նաև ապաշրջափակման դեպքում ՀՀ-ի ստանալիք օգուտների, ռեգիոնալ հաղորդուղիների համակարգում ՀՀ-ի ինտեգրման հնարավորությունների և հավանական սխեմաների, ԱՄՆ-ի հնարավոր դերակատարման, Եվրոպայի և Ասիայի միջև առևտրային ռեժիմների ներկա սխեմաների, հարակից այլ թեմաների մասին։
Հարցազրույցն ամբողջությամբ՝ տեսանյութում։
Ռոբերտ Անանյան
